________________
કરવાની અભિરૂચિ જોઇને મ.સા.ને તેના પ્રત્યે ખૂબ જ વાત્સલ્યભાવની લાગણી ઉત્પન્ન થઈ.
તેની સાથે પ્રેમપૂર્વક વાર્તાલાપ કરતાં જાણવા મળ્યું કે તેઓ વર્ધમાનતપની ૨૮૦ ઓળીના આરાધક ૫.પૂ. આચાર્ય ભગવંત શ્રીમદ્ વિજય રાજતિલકસૂરીશ્વરજી મ.સા.ના સત્સંગથી જૈનધર્મ પામ્યા હતા. રોજ નવકારશી - ચોવિહાર તથા નવકાર મહામંત્રની માળા ગણતા હતા.
ગિરધરનગરમાં અનેક ભાવિકોને રોજ જિનપૂજા કરવા જતાં જોઇને તેમણે એક વખત આચાર્ય ભગવંત પાસે પોતાની આંતર આરઝુ વ્યક્ત કરતાં કહ્યું કે 'ગુરૂદેવ! મારે પણ રોજ પૂજા કરવી છે પણ મંદિરને અભડાવવું નથી. કૃપા કરીને મારા માટે કોઇ ઉપાય બતાવો.' કરુણાનિધિ આચાર્ય ભગવંતે તેને ઉપાય દર્શાવ્યો. તે મુજબ તેણે પોતાના ઘરે ૧૮ અભિષેક યુક્ત પ્રભુજીને પધરાવીને રોજ પ્રભુપૂજાની ભવ્ય ભાવના પૂર્ણ કરી. કેવો મહાન આત્મા!!
જૈન કુળમાં જન્મ પામવા છતાં અને જિનમંદિર બાજુમાં હોવા છતાં આળસ, અજ્ઞાનતા આદિ કોઇને કોઇ કારણવશાત્ જિનપૂજા નહિ કરતા આત્માઓ આ દૃષ્ટાંતમાં વર્ણવેલ આત્માને રોજ સવારે ભારે અહોભાવથી યાદ કરીને નમસ્કાર કરશે તો એક દિવસ જરૂર એમનો પણ પુણ્યોદય જાગ્રત થશે અને પ્રભુભક્તિના પુનિત પંથે તેમનો આત્મા પણ પ્રસ્થાન કરશે એમાં શંકા નથી...
૫૯
