Page Text
________________
હતા, અને ભવિષ્યમાં જીવો સમ્યગ્દષ્ટિ થવાના છે તે સર્વ જીવોના સમ્યક્ત્વને ભાવપૂર્વક અનુમોદું છું.
ભદ્રક-મિથ્યાદષ્ટિઓનાં સુકૃતોની અનુમોદના
જે જીવો હજી પણ સમ્યક્ત્વ પામ્યા નથી, પણ જેઓએ મિથ્યાત્વને મંદ કર્યું છે, જેઓ સમ્યક્ત્વની સન્મુખ આવેલા છે, જેઓ સમ્યક્ત્વની પૂર્વભૂમિકામાં છે, જેઓ જીવો ઉપર કરુણાથી પ્રેરાઈને દયા તથા દાનની પ્રવૃત્તિ કરી રહ્યા છે, તેઓની શ્રી જિનવચનને અપ્રતિકૂળ એવી સર્વ પ્રવૃત્તિને અનુમોદું છું...
આવા ભદ્રક જીવો જે ભદ્રક ભાવથી સાધુઓને પણ આહાર, વસ્ત્ર, પાત્ર વસતિ આદિનું દાન કરે છે, ઔષધ ઉપચાર કરે છે, સાધુઓને ગામ-નગરોનો માર્ગ બતાવે છે, પાપનો ભય રાખે છે, વગેરે તેઓની શ્રી જિનવચનથી પ્રતિકૂળ નહીં તેવી સર્વ શુભ પ્રવૃત્તિઓને ભાવથી અનુમોદું છું.
ભદ્રક એવા મિથ્યાદષ્ટિ જીવો પણ જે કોઈ પણ જાતની આશંસા વિના પરોપકાર કરી રહ્યા છે, દયા પાળી રહ્યા છે, અસત્ય વચનનો તથા અનીતિનો ત્યાગ કરે છે. સદાચારની મર્યાદાઓનું પાલન કરે છે. ક્રોધ, માન, માયા, પ્રપંચ, કામ, લોભ આદિને આંતરદુશ્મનો સમજી છોડી રહ્યા છે, આવી તેમની કરણી તેઓને પ્રભુશાસનની સન્મુખ લાવવામાં સહાયક થઈ રહી છે, તેવી તેઓની શ્રી જિનવચનને અપ્રતિકૂળ સર્વ શુભ કરણીને ભાવથી અનુમોદું છું.
ટૂંકમાં, શ્રી વીતરાગ પરમાત્માના માર્ગને અનુસરતા આ ચૌદરાજ લોકમય વિશ્વમાં જે કંઈ સુકૃતો ભૂતકાળમાં થઈ ગયાં, ભવિષ્યમાં થનાર છે, તથા વર્તમાનમાં થઈ રહ્યાં છે, તે સર્વે શ્રી અરિહંત પરમાત્માનાં સુકૃતોથી માંડીને સામાન્ય જનનાં સર્વે સુકૃતોને, આવાં સુકૃતો જીવનમાં પ્રાપ્ત થાય તેવા મનોરથો પૂર્વક, શ્રી અરિહંત પરમાત્મા, શ્રી સિદ્ધ પરમાત્મા, શ્રી ગુરુ ભગવંતો, શ્રી અવધિજ્ઞાની દેવો, શ્રી ચતુર્વિધ સંઘ અને મારા આત્માની સાક્ષીએ ત્રિવિધે ત્રિવિધ અનુમોદું છું.
સુકૃતની આ અનુમોદના મારી સમ્યક્ થાઓ. સુકૃતની આ અનુમોદનાથી મને સુકૃતોની પરંપરા પ્રાપ્ત થાવ. અને તે દ્વારા દુષ્કૃતોની વાસના અને પાપનો ક્ષય થઈ મારા આત્માનો સિધ્ધિપુરીમાં વાસ થાવ...
સુકૃત અનુમોદનાના આ શુભ અનુષ્ઠાનમાં મારાથી જે કંઈ પણ પ્રભુઆજ્ઞાની વિરુધ્ધ અવિધિ આદિ થયેલ હોય તો તેનું મિચ્છા મિ દુક્કડં દઉં છું....
બહુરત્ના વસુંધરા–ભાગ ચોથો – ૧૬૪
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |