Page Text
________________
સૌધર્મેન્દ્ર પ્રભુના જન્મ વખતે સ્વયં પાંચ રૂપ કરીને પ્રભુને એક રૂપથી ગ્રહણ કરે છે. એક રૂપથી આગળ વજ લઈને ચાલે છે, બે રૂપથી પ્રભુને ચામર ઢાળે છે, એક રૂપથી પ્રભુના ઉપર છત્ર ધારણ કરે છે, આમ પ્રભુને પોતાના પાંચ રૂપ કરી સૌધર્મેન્દ્ર સપરિવાર દેવો સાથે પર્વત ઉપર લઈ જાય છે, ત્યાં અન્ય ઈંદ્રો તથા દેવો આવે છે, પ્રભુને ખોળામાં લઈને શ્રી સૌધર્મેન્દ્ર મેરૂ પર્વતની શિલા ઉપર સિંહાસનમાં બેસે છે અને ત્યાર પછી અન્ય ઇન્દ્રો વગેરે પરિવાર સાથે પ્રભુજીને અભિષેક કરે છે. તથા વિલેપન તેમજ વસ્ત્ર, અલંકાર આદિ ધારણ કરાવે છે. અંતે આરતી, મંગળ દીપક વિગેરે કરે છે. ત્યાર પછી સૌધર્મેન્દ્ર પણ પ્રભુજીને ઈશાનેન્દ્રના ખોળામાં બેસાડીને પોતે ઊભા થઈ ચાર મુખવાળા બળદનું રૂપ લઈને આઠ શૃંગમાંથી અભિષેક કરે છે, અને વિલેપન આદિ અન્ય ઈદ્રોની માફક કરે છે. ત્યાર પછી આડંબર સહિત પ્રભુજીને પુન: મૂળ સ્થાને મૂકી આવે છે અને નંદીશ્વર દ્વીપમાં જઈને મહોત્સવો કરે છે. ઈદ્રો અને દેવોની પ્રભુના જન્માભિષેકની ઉજવણીની આ શુભ કરણીને ભાવથી અનુમોદું
પ્રભુના જન્મ થતાંની સાથે જુદી જુદી દિશાઓમાંથી કુલ ૫૬ દિકકુમારીઓ સૂતિકર્મ કરવા આવે છે અને તે કરીને પ્રભુની ભક્તિ કરે છે. તે દિકકુમારીકાઓની શુભકરણીને ભાવથી અનુમોદું છું. '
નૃપવિકમ રાજા કે જેને ધનંજય થશે પ્રાણાંત ઉપદ્રવ કરવા છતાં શ્રી જિનેશ્વર સિવાય અન્ય દેવને નહીં નમવા અને માનવામાં દ્રઢતા રાખી, તેની તે દ્રઢતાની અનુમોદના કરું છું.
નારકીમાં રહેલ અસંખ્ય તીર્થકર ભગવંતોના દ્રવ્ય તીર્થંકરપણાને ભાવથી અનુમો
નારકીમાં અસંખ્ય તીર્થકર ભગવંતોના જીવો. ઉપરાંત બીજા પણ અસંખ્ય સમ્યગ્દષ્ટિ આત્માઓ છે, જેઓ નારકીની ઘોર પીડાને સમભાવે સહન કરે છે. પીડા આપનાર નારકીના બીજા જીવો કે પરમાધામી દેવો પ્રત્યે દ્વેષ ભાવને ધારણ કરતા નથી, પરંતુ પોતાના જ કર્મના ઉદયને માનીને ઉપશમભાવને ધારણ કરે છે, તે સર્વ જીવોના શુભ ભાવને મન, વચન, કાયાથી અનુમોદું છું.
ટૂંકમાં, મોક્ષમાર્ગના મુખ્ય પાયારૂપ સમદર્શન ગુણ જે પુણવાન આત્માએ પ્રાપ્ત કર્યો છે, અને તે ગુણને અનુરૂપ સમ્યકત્વના આચારો આદિનું પાલન કરે છે તેવા અસંખ્ય સમ્યગ્દષ્ટિ જીવો વર્તમાન કાળમાં છે, ભૂતકાળમાં પણ અસંખ્ય સમ્યગ્દષ્ટિઓ
બહુરના વસુંધરા-ભાગચોથો ૧૩
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |