Page Text
________________
સિધ્ધગિરિની તળેટીમાં વાગ્ભટ્ટ મંત્રીની નિશ્રામાં અનેક સંઘો જીર્ણોધ્ધારની ટીપ કરવા બેઠેલા છે. લાખોના આંકડા લખાય છે. છ રૂપિયાની મૂડીવાળો ઘીનો વેપારી ભીમો કુલડિયો, ઘી વેંચીને આજે થયેલ રૂપિયાની કમાણીના ગિરિરાજ ઉપર પ્રભુને ફુલ ચડાવી નીચે ઉતર્યો છે. આ વાતાવરણ જોઈને પોતાની મૂડી આપી દેવાનું મન થાય છે પણ નાની રકમ હોઈ અચકાય છે. ચકોર મંત્રી તેની ભાવના પરખી, હાથ પકડી આગળ લઈ ગયા, પૂછયું, ભાવના જણાવી. મંત્રીએ તેનો સ્વીકાર કરી પ્રથમ નામ તેનું લખ્યું. આમ જિનભક્તિમાં સર્વસ્વને સમર્પણ કરવાની ભીમા કુલડિયાની કરણીની ભાવથી અનુમોદના કરુ છું...
આમ કેટકેટલા સુશ્રાવકોનાં પરાક્રમો ગાઈએ. શ્રી જિનશાસનમાં શ્રાવકોએ પોતાના મહાન સમર્પણ દ્વારા ઉજ્જવળ ઈતિહાસને સર્જ્યો છે. તે સર્વ શ્રાવકોની સર્વ પ્રકારની શુભ પ્રવૃત્તિને ભાવથી અનુમોદું છું.
તિર્યંચોમાં પણ અસંખ્ય જીવો નિર્મળ દેશવિરતિને ધારણ કરી રહ્યા છે તેવા મત્સ્ય, હાથી, ઘોડા વગેરે તિર્યંચોના પણ દેશવિરતિના વ્રતો અને અનુષ્ઠાનોને ભાવથી અનુમોદું છું.
સમ્યગ્દષ્ટિ જીવોની અનુમોદના तमेव सच्चं निस्संकं जं जिणेहिं पवेइयं
Ο
શ્રી જિનેશ્વર ભગવંતોએ જે કહ્યું છે, તે જ નિ:શંક સાચું છે, તેવી સમ્યગ્દષ્ટિ જીવની શ્રી જિનવચન પ્રત્યેની દ્રઢતાની ભાવથી અનુમોદના કરું છું.
શ્રી શ્રેણિક મહારાજા, શ્રી કૃષ્ણ મહારાજા વગેરેના ક્ષાયિક સમ્યકત્વની અનુમોદના
કરું છું.
સમ્યગ્દષ્ટિ દેવોની જિનભક્તિ, શ્રીતીર્થંકર દેવોના જન્માભિષેક આદિની ઉજવણીઓ, પ્રભુના અતિશયોની રચના, પ્રભુના સમવસરણની રચના, વગેરે શુભ અનુષ્ઠાનોને ભાવથી અનુમોદું છું.
પ્રભુ જ્યાં જ્યાં વિચરે છે ત્યાં જઘન્યથી કરોડ અને ઉત્કૃષ્ટથી અસંખ્ય દેવો પ્રભુની સાથે વિચરે છે, પ્રભુના ચરણ પણ પૃથ્વીને ન અડે તે માટે સુવર્ણકમળની રચના પ્રભુજીની આગળ કરતા જાય છે, પ્રભુજીની અનેક પ્રકારે ભક્તિ કરે છે, પ્રભુના સમવસરણમાં નાટક આદિ કરે છે, પ્રભુને ચામર ઢાળે છે વગેરે સમ્યગ્દષ્ટિ દેવોની શુભ કરણીને ભાવથી અનુમોદું છું.
બહુરત્ના વસુંધરા–ભાગ ચોથો – ૧૬૨
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |