Page Text
________________
પરમાત્માને ગદ્ગદ્ હૈયે પ્રાર્થનાને તેમણે સાધનાના અંગો બનાવ્યા. રોજ રાા કલાક ખેતરમાં જઈને સવારે અને રાત્રે ત્યાં એકાંતમાં નવકાર છે મહામંત્રનો એકાગ્રતાપૂર્વક જાપ કરવા લાગ્યા. એકાદવાર કચ્છ-ડુમરામાં ધ્યાન શિબિરમાં જઈને ધ્યાનાભ્યાસ પણ ચાલુ રાખ્યો. યોગીરાજ શ્રી ! આનંદઘનજી મહારાજ દ્વારા રચાયેલી સ્તવન ચોવીશીનું વિવેચન યુક્ત સાહિત્ય તેમજ આત્મજ્ઞાની શ્રીમદ્ રાજચંદ્રનાં આધ્યાત્મિક સાહિત્યનું તેઓ વિશેષ પ્રકારે પરિશીલન કરવા લાગ્યા.
આમ એકાંત અને મૌનપૂર્વક જ્ઞાન-ધ્યાન-જાપ-આત્મચિંતન અને પ્રભુ પ્રાર્થનાદિના પરિણામે અંતઃકરણની શુતિ ઉત્તરોત્તર વૃદ્ધિ પામતાં તેમને વિવિધ પ્રકારની છે આંતરિક અનભૂતિઓ થવા લાગી. ક્યારેક ઘંટ, ઝાલર, વીણા, પખાવજ, શંખ ભેરી દુંદુભિ આદિ વિવિધ વાજિંત્રોના ધ્વનિ તુલ્ય અનાહત નાદ અંતરમાં સંભળાય તો ક્યારેક આજ્ઞાચક્રમાં જ્યોતિ લીસોટા કે કણિયા સ્વરૂપે પ્રકાશ પુંજનો અનુભવ થાય. ક્યારેક દીવા, વીજળી, ચંદ્ર કે સૂર્ય જેવા પ્રકાશ દેખાય. ક્યારેક દિવ્ય સુગંધનો અનુભવ છે થાય તો ક્યારેક ગહન અને ગાઢ શાંતિની ઘટા મસ્તકથી પ્રારંભીને અનુક્રમે આખા અસ્તિત્વને ઘેરી વળતી હોય તેવી અનુભૂતિ થાય.
આવા અનુભવોના કારણે તેમનો સાધના માટેનો ઉત્સાહ વૃદ્ધિગત બનતો રહ્યો. | તેમને તો આત્માનુભવની લગની લાગી હતી. તેથી તેઓ રોજ મહાવિદેહ ક્ષેત્રમાં વિહરમાન શ્રી સીમંધર સ્વામી ભગવાનને ગદ્ગદ હૈયે પ્રાર્થના કરતા કે હે પ્રભુ ! હવે મને આવા સામાન્ય કોટિના અનુભવોથી . સંતોષ નથી થતો. મારે, તો આપના વીતરાગતામય આંતરિક સ્વરૂપની ઝાંખી જોઈએ છીએ.'
તેઓ રોજ સીમંધર સ્વામી ભગવાનનું સુપ્રસિદ્ધ સ્તવન“સુણો ચંદાજી ! સીમંધર પરમાતમ પાસે જો મુજ વીનતડી પ્રેમ ધરીને એણી પરે તુમ સંભળાવજો....”
અત્યંત ભાવ વિભોર બનીને, રોમેરોમમાંથી પોકાર ઊઠતો હોય તે. રીતે ગદગદ્દ કંઠે, આÁ Æયે અને અશ્રુભીની આંખે દિવસમાં ત્રણેક વાર ગાતા. જેને સાંભળનારનું હૈયું અને આંખ પણ આદ્ર બન્યા વિના રહે નહિ. જાણે ખરેખર જ્યોતિષી દેવોના ઈન્દ્ર ચન્દ્ર દેવ પોતાની સમક્ષ ઊભા હોય અને તેમના મારફત પોતાની અરજી પ્રભુજીને મોકલતા હોય તે રીતે આ સ્તવન તેઓ ગાતા. તેમના મુખેથી આ સ્તવન સાંભળવું એ પણ એક અનેરો લ્હાવો છે. મને ૨-૩ વાર તેમના મુખેથી આ સ્તવન સાંભળવાનો તથા તેમની આત્મસાધનાના મૂક સાક્ષી રૂપ ડેલાને નિહાળવાનો લાભ મળ્યો છે :
૫ બહુરત્ના વસુંધરા-ભાગ બીજે પ ૭૪ NS
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |