Page Text
________________
આત્માર્થી જીવોએ નાનજીભાઈનો સત્સંગ ખાસ કરવા જેવો છે. સજ્ઞેષુ કિં બહુના ? તેમનું સરનામું નીચે મુજબ છે.
શાહ એન્જિનીયરીંગ કું. ડી.બી.-ઝેડ. એન. ૧૪૭ ગાંધીધામ- કચ્છ પીન ઃ ૩૭૦૨૦૧, ફોન : ૦૨૮૩૬-૨૦૪૬૨.
૨૦ : જેફ વયે સાધનાનો પ્રારંભ કરીને વિશિષ્ટ આધ્યાત્મિક અનુભૂતિઓ પ્રાપ્ત કરનાર આત્મસાધક ખીમજીભાઈ વાલજી વોરા
સામાન્ય રીતે આત્મસાધના માટે યુવાવસ્થાનો કાળ ઉત્તમ ગણાય છે. કારણ કે ત્યારે શરીર બળ મજબૂત હોવાથી તપ-જપ-ધ્યાન વિગેરે લાંબા સમય સુધી સ્થિરતા પૂર્વક કરી શકાય છે. વૃદ્ધાવસ્થામાં શારીરિક શક્તિ ક્ષીણ થવાથી સાધના મુશ્કેલ બને છે. છતાં તેમાં અપવાદ રૂપે કેટલાક આત્માઓ એવા પણ જોવા મળે છે કે જેમણે સંયોગવશાત્ પાછલી વયમાં સાધનાનો પ્રારંભકર્યો અને તીવ્ર વૈરાગ્ય, પ્રબળ મુમુક્ષા અને નિયમિત અખંડ પુરુષાર્થના બળે સારો એવો આધ્યાત્મિક વિકાસ સાધ્યો હોય. આવા સાધકોમાં કચ્છ નારાણપુરના ખીમજીભાઈ વાલજી વોરા (ઉ. વ. ૭૯) નું નામ પ્રથમ હરોળમાં મૂકી શકાય તેમ છે !
ખીમજીભાઈના જીવનમાં બાલ્યાવસ્થામાં નમ્રતા સરલતા આદિ સદ્ગુણો સાથે ધર્મની રૂચિ હતી. પાંચ પ્રતિક્રમણ, ૪ પ્રકરણ, કર્મગ્રંથ તથા સંસ્કૃત બે બુકોનો અભ્યાસ કરેલ. પરંતુ પછી સાંસારિક જવાબદારીઓના કા૨ણે અને રંગૂન જેવા ક્ષેત્રમાં વર્ષો સુધી રહેવાને કારણે એ રૂચિને ખાસ કાંઈ ઉત્તેજન મળી શક્યું નહીં. લગ્નજીવન અને નોકરી-ધંધામાં જ જીવનના અમૂલ્ય વર્ષો પસાર થઈ ગયા. ખાસ કાંઈ આરાધના થઈ શકી નહીં.
પરંતુ લગભગ ૫૭ વર્ષની ઉંમરે તેમના જીવનમાં ટર્નીંગ પોઈન્ટ આવ્યું. કોઈક વ્યાવહારિક પ્રસંગ ઉપરથી તેમને સંસારની અસારતા અને સ્વાર્થમયતાનું ભાન થયું. વૈરાગ્યની જ્યોત પ્રજ્વલિત બની અને ૬૦ વર્ષની વયે તેઓ નોકરીમાંથી રાજીનામું આપીને મુંબઈ છોડીને કચ્છ નારાણપુરા આવી ગયા. સુષુપ્ત રીતે પડેલી અધ્યાત્મ રૂચિ પુનઃ જાગૃત થઈ. તેથી આધ્યાત્મિક ગ્રંથોનું વાંચન-મનન/એકાંતવાસ/મૌન/ નવકાર મહામંત્રનો તેમજ ૐ હ્રીં અહનમઃ નો તાલબદ્ઘ જાપ તેમજ શ્રી સીમંધર સ્વામી
બહુરત્ના વસુંધરા-ભાગ બીજો = ૭૩
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |