Page Text
________________
મુદ્રામાં સ્થિર રહ્યા ત્યારે તેમને સંતોષકારક અનુભૂતિ થયા પછી જ તેમણે માથું ઊંચું કર્યું !!!...
નાનજીભાઈની વિનંતિથી એક ધ્યાન સાધક મહાત્માએ પોતાની વિશિષ્ટ આત્મશક્તિ દ્વારા તેમને ફકત ૨ મિનિટ માટે વિશિષ્ટ શાંતિનો અનુભવ કરાવ્યો પરંતુ તેમને આવી ક્ષણિક શાંતિને બદલે ચોવીસે કલાક ચાલુ રહે તેવી અખંડ અને ગહન આત્મિક શાંતિ અને આનંદના અનુભવની ઝંખના હતી જે આખરે પરમાત્માની શરણાગતિ અને સદ્ગુરુની કૃપા દ્વારા પરિપૂર્ણ થઈ !...
‘‘સ્વ- સ્વરૂપની અનુભૂતિ માટે કઈ રીતે સાધના કરવી જોઈએ ?'' એવા એક પ્રશ્નનો પ્રત્યુત્તર આપતાં તેમણે કહ્યું કે
‘‘સ્વાનુભૂતિસંપન્ન સદ્ગુરુની શરણાગતિ અને તેમની કૃપા દ્વારા જ એ શકય બની શકે છે. પરંતુ જ્યાં સુધી એવા પ્રત્યક્ષ સદ્ગુરુની પ્રાપ્તિ ન થઈ હોય ત્યાં સુધી પરમગુરુ પરમાત્માની પ્રતિમા કે પ્રતિકૃતિ સમક્ષ પણ સમર્પણભાવે નિયમિત હાર્દિક પ્રાર્થના કરતા રહેવાથી કાળ પરિપકવ થતાં અને સાધકની યોગ્યતાનો વિકાસ થતાં પરમાત્માના અર્ચિત્ય અનુગ્રહથી અવશ્યમેવ એક દિવસ સદ્ગુરુની પ્રાપ્તિ ઋણાનુબંધ પ્રમાણે સાધકને થાય છે અને તેમની કૃપાથી સાધકનું કાર્ય સિદ્ધ થાય છે.
છદ્મસ્થ અવસ્થામાં સદ્ગુરુની શોધ માટે પ્રયત્નો કરવામાં ભૂલથાપ ખાવાની ઘણી શકયતા રહેલી છે. તેથી ઉપરોક્ત રીતે પરમાત્માની શરણાગતિ સ્વીકારી સાધના કરતાં એક દિવસ પરમાત્માની અચિંત્ય આત્યશક્તિની પ્રેરણાથી આત્મજ્ઞાની સદ્ગુરુ સામેથી સાધકનો હાથ પકડે છે અને માર્ગદર્શન આપી કૃતાર્થ બનાવે છે !”
મહાન યોગીરાજશ્રી આનંદઘનજી દ્વારા રચાયેલી સ્તવન ચોવીશી નાનજીભાઇને અત્યંત પ્રિય છે. સાધના માર્ગની મહત્ત્વની કુંચીઓ એ સ્તવનોમાં રહેલી છે એમ તેઓ જણાવે છે.
ભૂત-ભવિષ્યના વિકલ્પોથી પર થઈને વર્તમાનક્ષણમાં જ આત્મ જાગૃતિ પૂર્વક જીવવું એ નાનજીભાઈ માટે આજે સહજ બની ગયું છે. રાત્રે ઊંઘમાં પણ ફકત એક જ વાર પડખું ફેરવવું પડે તે પણ જાગૃતિપૂર્વક જ ! આત્માની સૂચના વિના શરીર પડખું પણ ફેરવે નહિ. ઘણીવાર તો આખી રાત (પાંચેક કલાક) એક જ પડખે તેઓ આરામ કરે છે. પડખું પણ બદલતા નથી. આવી તેમની આત્મ જાગૃતિ ખરેખર અનુમોદનીય છે. અંતરમાં અનુભવાતી અત્યંત ગહન અને ગાઢ આધ્યાત્મિક શાંતિ તેમની મુખમુદ્રા ઉપર સદા તરવરતી દેખાય છે- તેમના ધર્મપત્ની અ.સૌ હીરાકુંવરબેન (બચુબાઈ) નો પણ તેમને ખૂબ જ સાથ સહકાર સદા મળતો રહ્યો છે.
બહુરત્ના વસુંધરા-ભાગ બીજો # ૭૨
国
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |