Page Text
________________
વીતરાગ પરમાત્માના આંતરિક સ્વરૂપની ઝાંખી મેળવવાના લક્ષ્યપૂર્વક તેમણે ૬ મહિના સુધી તદ્દન એકાંતવાસમાં મૌનપૂર્વક સાધના કરવાનો દૃઢ સંકલ્પ કર્યો. ફક્ત બે ટાઈમ ઘરે જઈ મૌનપૂર્વક ભોજન કરતા બાકીનો સમય ઘરની બાજુમાં જ પશુઓ માટેનો ઘાસચારો રાખવાનો નાનકડો ડેલો હતો તેમાં બેસીને સદ્ધાંચન-આત્મચિંતન-જાપ-ધ્યાન-પ્રાર્થનાદિ સાધનામાં મગ્ન રહેતા. ચિત્તમાં એક પણ બિન જરૂરી વિચાર પ્રવેશી ન જાય તે માટે તેઓ ખૂબ જ જાગ્રત રહેતા.
આમ સાધના કરતાં કરતાં લગભગ ૩ મહિના જેટલો સમય પસાર થયો ત્યારે સં. ૨૦૩૭ મહા સુદિ ૧૪ મંગળવાર તા. ૧૭-૨-૯૧ના બપોરના લગભગ ૩ વાગ્યાનો સમય હતો. ગરમીના દિવસો હતા. છતાં બહારનાં કોઈ અશુદ્ધ પરમાણુઓ અંદર ન પ્રવેશે તે માટે ડેલાનો એકમાત્ર દરવાજો હતો તે પણ બંધ રાખેલ. એટલું જ નહીં પરંતુ અંધારામાં એકાગ્રતા સારી રીતે થઈ શકે તે માટે મસ્તકથી માંડીને આખા શરીરે કાળો ધાબળો ઓઢીને તેઓ સાધનામાં બેઠા. નિત્યક્રમ પ્રમાણે સીમંધર સ્વામીને પ્રાર્થના કરીને સાધનામાં સ્થિર થયા કે થોડી જ ક્ષણોમાં મન શાંત થઈ ગયું અને શરદ પૂર્ણિમાના ચંદ્ર કરતાં પણ ક્રોડો ઘણી શીતલ, ઉજ્જવલ તેજોમય, પદ્માસનસ્થ વીતરાગ આકૃતિ તેમની બંધ આંખો સમક્ષ પ્રગટ થઈ ! જાણે કે જેની ખૂબ જ ઝંખના હતી તે સાક્ષાત્ શ્રી સીમંધર સ્વામી પરમાત્માના આંતર સ્વરૂપની જ ઝાંખી ન હોય ! ખીમજીભાઈના રોમેરોમમાં અવર્ણનીય આનંદના પૂર ઉમટ્યા ! પોતાની સ્થિતિ પણ જાણે કે વીતરાગતામય બની ગઈ !... પરંતુ આ આકૃતિ બે-ત્રણ મિનિટમાં અદૃશ્ય થઈ ગઈ અને ખીમજીભાઈની એક આંખમાંથી પ્રભુદર્શનના કારણે હર્ષ અને અહોભાવજન્ય તેમજ બીજી આંખમાંથી પુનઃ પ્રભુવિરહની વેદનાજન્ય અશ્રુધારા ૧ કલાક સુધી અસ્ખલિતપણે ચાલુ રહી !!!... કેટલાય દિવસો સુધી આ અનુભૂતિનો આનંદ તેમના જીવનમાં ચાલુ રહ્યો.
તેઓ સ્વાનુભવના આધારે કહે છે કે-‘આપણો પોકાર જો સાચો હોય, અંતરના ઊંડાણમાંથી આવતો હોય તો પ્રભુદર્શન માટે ક્ષેત્ર કે કાલનું વ્યવધાન નડતું નથી. આજે પણ અહીં બેઠા બેઠા શ્રી સીમંધર સ્વામી ભગવંતના દર્શન અશક્ય નથી જ !.....
ઉપરોક્ત અનુભવ પછી પણ વિવિધ પ્રકારની આધ્યાત્મિક અનુભૂતિઓ તેમને હજી સુધી થતી જ રહી છે. પરિણામે આ માનવ જીવન સફળ થયાનો અહેસાસ તેઓ અનુભવી રહ્યા છે.
હાલ તેઓ સંયોગવશાત્ મુંબઈમાં પોતાના સુપુત્ર મણિલાલભાઈની સાથે રહે છે. વૃદ્ધાવસ્થાના કારણે બાહ્ય રીતે સાધનામાં થોડી ઓટ આવી છે. પરંતુ આંતરિક રીતે ભાવધારા તો ઉત્તરોત્તર વિશુદ્ધ જ બનતી અનુભવી
બહુરત્ના વસુંધરા-ભાગ બીજો ૭૫
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |