________________
वंदित्तु सूत्र
पढमे अणुव्वयम्मी, थूलग-पाणाइवाय-विरईओ ।
आयरियमप्पसत्थे, इत्थ पमायप्पसंगेणं ।।९।। वह-बंध-छविच्छेए, अइभारे भत्तपाण-वुच्छेए, पढम-वयस्सइआरे, पडिक्कमे देसिअं(राइअं) सव्वं ।।१०।। बीए अणुव्वयम्मी, परिथूलग-अलिअ-वयण-विरईओ । आयरियमप्पसत्थे, इत्थ पमायप्पसंगेणं ।।११।। सहसा रहस्स-दारे, मोसुवएसे अ कूडलेहे अ । बीय-वयस्सइआरे, पडिक्कमे देसिअं(राइअं) सव्वं ।।१२।। तइए अणुव्वयम्मी, थूलग-परदव्वहरण-विरईओ ।
आयरिअमप्पसत्थे, इत्थ पमायप्पसंगेणं ।।१३।। तेनाहड-प्पओगे, तप्पडिरूवे विरुद्धगमणे अ । कूडतुल-कूडमाणे, पडिक्कमे देसिअं(राइअं) सव्वं ।।१४।। चउत्थे अणुव्वयम्मी, निच्चं परदार-गमण-विरईओ । आयरिअमप्पसत्थे, इत्थ पमायप्पसंगेणं ।।१५।। अपरिग्गहिआ इत्तर, अणंग-विवाह-तिव्व-अणुरागे । चउत्थ-वयस्सइआरे, पडिक्कमे देसिअं(राइअं) सव्वं ।।१६।। इत्तो अणुव्वए पंचमंमि, आयरिअमप्पसत्थंमि । परिमाण-परिच्छेए, इत्थ पमायप्पसंगेणं ।।१७।। धण-धन्न-खित्त-वत्थू, रूप्प-सुवण्णे अ कुविअ-परिमाणे । दुपए चउप्पयंमि(मी) य, पडिक्कमे देसिअं(राइअं) सव्वं ।।१८।। गमणस्स य(उ) परिमाणे, दिसासु उढे अहे अ तिरिअं च । वुड्डी सइअंतरद्धा, पढमंमि गुणव्वए निंदे ।।१९।। मज्जृमि अ मंसंमि अ, पुप्फे अ फले अ गंधमल्ले अ । उवभोग-परी(रि)भोगे, बीयंमि गुणव्वए निंदे ।।२०।।
