________________
नमोऽस्तु वर्धमानाय नमो नमः श्रीरामचन्द्रसूरये
છે નમ:
દેવદ્રવ્ય અને જિનપૂજા'
સમીક્ષા
તારક તીર્થંકર પરમાત્માનો ધર્મ આજ્ઞાપ્રધાન છે. પરમાત્માની આજ્ઞાને આરાધીને અદ્યાવધિ અનંતા આત્માઓ સુખમય પરમપદને પામ્યા છે, તો વળી તેમની આજ્ઞાને વિરાધીને અગણિત આત્માઓ અનંત સંસારના દુઃખમય વમળમાં અટવાઈ પડ્યા છે. જો સુખી થવાની ઈચ્છા હોય તો પરમાત્માની આજ્ઞાને આરાધવી જ રહી, પરંતુ આજ્ઞાને આરાધવા માટે પ્રથમ તેની સમજ પ્રાપ્ત કરવી પડે. જેમ સમજણ વિના આજ્ઞાની આરાધના નિષ્ફળ નિવડે છે, તેમ વિપરીત વાતને પ્રભુની આજ્ઞા સમજી આરાધીએ તો તે વિફળ અર્થાત્ કલ્પનાતીત સંસારવૃદ્ધિરૂપ વિપરીત ફળ આપનારી બને છે. આપણે સંસારવૃદ્ધિના ભાગી ન બની જઈએ અને પરમાત્માની આજ્ઞાને યથાર્થ સમજીને આરાધી શકીએ તે માટે આ લખાણનો પ્રયાસ
આચાર્ય શ્રીઅભયશેખરસૂરિજીએ ઈટલસિદ્ધિ, તિથિ, નવાંગી ગુરુપૂજન, ગુરુદ્રવ્ય, દેવદ્રવ્ય આદિ અનેક વિષયોમાં ઘણી વિપરીત વાતોને પ્રભુની આજ્ઞારૂપે
સ્વીકારી પોતાનો સંસાર તો વધાર્યો જ છે, ઉપરાંત તે વિપરીત વાતોને પુસ્તકોમાં લખી કેટલાય અજ્ઞાન આરાધકોને ઉન્માર્ગે ચડાવવાનો કૂટ પ્રયાસ કર્યો છે. તેમની વાતોમાં ભરમાઈને લાયક જીવો સંસારના રવાડે ચડી ન જાય તે માટે એ દરેક વિષયોની શાસ્ત્રપાઠો સાથે વિસ્તારથી સમીક્ષા કરવી પડે એમ છે. પ્રસ્તુતમાં એ વિષયો પૈકી દેવદ્રવ્ય’ વિષયની સમીક્ષા કરવામાં આવી રહી છે.
આચાર્ય શ્રીઅભયશેખરસૂરિજીએ પોતાના ગણિપર્યાયમાં લખેલ દેવદ્રવ્ય અને જિનપૂજા' પુસ્તકની તથા યત્કિંચિત્ ધાર્મિક વહીવટ વિચાર’ પુસ્તકના
3
1 E
