________________
પ્રચંડ વાયરાના એક ઝાપટામાં ધરાશાયી થઈ શકે છે. સહુને પાણી પાનારી નદી ક્યારેક સૂકી ભઠ પણ બની જાય છે. કોઈ આધાર કાયમી નથી. નિરાધારતાનો અભિશાપ જગતના દરેક વ્યક્તિ અને વસ્તુને વરેલો છે અને આ દગાબાજ સંસારમાં દગાની રમત કોણ ક્યારે રમે તે શું કહેવાય ? પ્રચંડ આશા સાથે ડોક્ટર પાસે જનારા દરદીની કિડની ઓપરેશન થિએટરમાં ચોરાઈ જાય તેવું નથી બનતું? પોતાનો કેસ લડવા રોકેલા વકીલ વિરોધી પાર્ટી દ્વારા ફૂટી જાય અને કેસ મજબૂત હોવા છતાં હરાવી દે તે આ જગતમાં શક્ય નથી? અત્યંત વિશ્વાસુ મિત્ર વિશ્વાસથી કરેલી ગુપ્ત વાતોનું બ્લેકમેઈલીંગ કરે તેવા અનુભવ ઘણાને નથી થતા ? બાંદરાથી દાદર જવા વિશ્વાસથી જે ટેકસીમાં બેઠાં તે દાદર લઈ જવાને બદલે ધારાવીની ઝૂંપડપટ્ટીમાં લઈ જઈને લૂંટી લે તેવી ઘટનાઓ દુનિયામાં નથી બનતી? સ્વર્ગસ્થ પિતાજીના વિશ્વાસુ મિત્ર પાસે મૂકેલી થાપણ ઓળવાઈ જવાના પ્રસંગો દુનિયામાં દુર્લભ છે ? મકાન, ગામ કે નગરમાં આગ ઠારી શકાય, પણ દરિયામાં જ આગ લાગે ત્યારે પાણી કોની પાસે માંગવું ? આ વ્યથાનો અનુભવ દરેક સંસારીને વહેલો કે મોડો થાય છે. વાડ જ ચીભડા ગળે તેવા અનુભવો સંસારની સ્વાર્થમયતાનું અને પોતાની નિરાશ્રિતતાનું ભાન કરવાની સોનેરી તક પૂરી પાડે છે. પણ, તકોને વધાવતા આપણને આવડે છે જ ક્યાં ?
હૃદયકંપ છે ૩૩
