________________
૭૪
તીર્થમાલા
આ ગોડીપુર કંઈક ઊંચા સ્થાનમાં આવેલું હશે અને તેને ફરતો ગઢ હશે એમ પ્રાપ્ત થતાં વર્ણનો ઉપરથી અનુમાન થઈ શકે છે.
આવા નાના ગામમાં શ્રી પાર્શ્વનાથ ભગવાનનું મંદિર શી . રીતે બંધાયું ? અને તેની ચમત્કારિક પ્રતિમાની ખ્યાતિ દેશદેશાંતરમાં શી રીતે ફેલાઈ ? તેનો ઉત્તર પ્રચલિત કથામાંથી મળી રહે છે. એ કથા આ પ્રમાણે કહેવાય છે. .
ભૂતકાળમાં ગુજરાતની રાજધાની શહેર અણહિલપુર પાટણમાં શ્રી પાર્શ્વનાથ પ્રભુની ત્રણ પ્રતિમાઓ કોઈ શ્રાવકે ભોંયરામાં રાખી મૂકી હતી.
આ શ્રાવકની ઘરની નજીક એક “સુરક' એટલે મુસલમાનનું ઘર હતું. તેણે ભોંય ખોદીને તેમાંની એક પ્રતિમા મેળવી લીધી. અને તેને પોતાના ઘરમાં ખાડો ખોદી તેમાં રાખી લીધી. પછી તે રોજ રાત્રે તેના પર સૂઈ રહેવા લાગ્યો. એક રાત્રે આ પ્રતિમાના અધિષ્ઠાયક દેવે-ચક્ષે તેને સ્વપ્નમાં આવીને કહ્યું : “હવે તું આ પ્રતિમાને બહાર કાઢજે અને પારકર (સિંધ)થી મેઘાશા નામનો એક શ્રાવક અહીં આવે તેને પાંચસો ટકા લઈને આપી દેજે. નહીં તો હું તને મરડીને મારી નાંખીશ. આ સ્વપ્નથી મુસલમાન ભય પામ્યો અને તેણે એ પ્રતિમાને ખાડામાંથી બહાર કાઢી એક સારી જગ્યાએ રાખી મૂકી. પછી તે મેઘાશાની રાહ જોવા લાગ્યો.”
આ સમયે પારકર સિંધ દેશમાં “ભૂદેશર' નામનું નગર હતું. ત્યાં ખેંગાર નામનો રાજા રાજ્ય કરતો હતો અને