________________
ઉપયોગ એક કરોડ રૂપિયાની પ્રાપ્તિ ભણી ફંટાશે; શરીરમાંથી - શરીરની પીડામાંથી ઉપયોગ હટી જશે, એ સમયે એને તાવનો, તાવની પીડાનો ખ્યાલ સુદ્ધાં નથી.
ઉપયોગ અગણિત જન્મોથી પરમાં જ વહેતો આવ્યો છે. આપણે એને સ્વ ભણી કેન્દ્રિત ન કરી શકીએ ?
એક અમેરિકી પ્રોફેસર પત્ની સાથે ફરવા જઈ રહેલ હતા. અધવચ્ચે, જંગલમાં ગાડી સહેજ ઝાડ જોડે ટકરાઈ. પ્રોફેસરને થોડુંક વાગ્યું. લગભગ એ લોકો ફર્સ્ટ એઈડ બોક્સ લઈને નીકળતા હતા, આજે એ ભૂલાઈ ગયેલું હતું. બીજી કોઈ ગાડી એ નિર્જન સ્થળ ભણી આવતી ન લાગી. ન ફર્સ્ટ એઇડ બોક્સ, ન કોઈ સહાય. પ્રોફેસરને જ્યાં ટક્કર લાગેલી ત્યાં દુખાવો થતો હતો.
પત્નીએ પતિને કહ્યું : હું ધ્યાનના વર્ગોમાં જાઉં છું. અને ત્યાં હું એક વાત શીખી છું કે આપણે આપણા મનને બીજી બાજુ એકાગ્ર કરી દઈએ તો પીડા શમી જાય. - પ્રોફેસરને થયું : ચાલો, આનો પણ પ્રયોગ કરીએ. તેમણે ધ્યાનનો પ્રયોગ કર્યો. આંખો બંધ. રીઢ ટટ્ટાર. મનને પ્રભુમાં કેન્દ્રિત કર્યું. આશ્ચર્ય ! દુખાવો ગાયબ.
પાછળથી એ પ્રોફેસર ધ્યાન શીખવતા પ્રોફેસર બની ગયા.
બહુ મઝાનું સાધના સૂત્ર પૂ. દેવચન્દ્રજી મહારાજે અષ્ટપ્રવચન માતાની સઝાયમાં આપ્યું :
વીર્ય ચપળ પરસંગમી રે, એહ ન સાધકપક્ષ;
પ્રગટ્યો પૂરન રાગ
