Jainism Course Part 04

SR No.: 006050
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 222
Language: Gujarati
Classification: Book_Gujarati
File Size: 10 MB

Page 82

(90) Hesi2 HEHHQ 2H201 Sed:
મંત્રોમાં શિરોમણી “નવકાર મંત્ર'નું સતત મનમાં સ્મરણ કરવું. એના સ્મરણથી આ ભવમાં જ નહીં પરંતુ પરભવમાં પણ જીવ અનંત સુખને મેળવે છે. નવકાર મંત્રના પ્રભાવથી ભીલ-ભીલડી પરભવમાં રાજા-રાણી બન્યા. નવકારમંત્રના સ્મરણથી શ્રીમતીએ જેવો ઘડામાં હાથ નાખ્યો સાપ ફૂલની માળા બની ગયો. શિવકુમારને નવકારમંત્રથી સુવર્ણ પુરુષની પ્રાપ્તિ થઈ. અમરકુમારની મરણ-ફૂલી સિંહાસન બની ગઈ. આ માટે અત્યંત અહોભાવપૂર્વક નવકારમંત્રનું સ્મરણ કરવું.
પોતાના મરણને મહોત્સવ બનાવવા માટે સમાધિ-મરણના આ દશ અધિકારોને જીવનમાં ઉતારવા તથા પોતાનું જીવન પ્રભુની આજ્ઞામય બનાવવું. જેથી અંત સમયમાં પ્રભુ યાદ આવી શકે.
ઘણા લોકો એવું વિચારે છે કે જ્યારે મરણ અવસ્થા આવશે ત્યારે સમાધિ જોઈએ, તો આજથી જ ધર્મ કેમ કરવો? તો આનો જવાબ એ જ છે કે જેવા ભાવ આખા જીવનમાં ચાલે છે તેવા જ ભાવ અંતસમયમાં પણ આવે છે. આખી જિંદગી સંસારની સામગ્રીઓની લોલુપતા રાખી અને આપણે વિચારીએ કે અંત સમયમાં સમાધિ મરણ થઈ જશે. ભગવાન યાદ આવી જશે. આ લગભગ અશક્ય છે. માટે અત્યારથી જ પોતાના જીવનમાં ધર્મને એવો ઘૂંટી દેવો કે અંત સમયમાં ધર્મનું નાનું નિમિત્ત મળતાં જ મન ધર્મમાં સ્થિર બની જાય. આખી જિંદગી ધર્મ કરવાનો સાર એ જ છે કે અંતમાં મરણ સુધરે. ધર્મ તમને મોતથી તો નથી બચાવી શકતો પરંતુ સમાધિ આપીને તમને દુર્ગતિથી અવશ્ય બચાવી શકે છે. માટે પોતાના મરણને સમાધિમય બનાવવા માટે આજથી જ નહીં પરંતુ અત્યારથી ધર્મ કરવાનું શરૂ કરી દો. મરણના સમયે જીવનું જે ગતિમાં જવાનું નિશ્ચિત હોય છે એ ગતિની લેગ્યા લેવા આવે છે અને જીવના ભાવ પણ એ વેશ્યાના અનુરુપ બની જાય છે. જેમકે નરકગતિમાં જનારા જીવને કૃષ્ણ લેશ્યા લેવા આવે છે. માટે અંતઃ સમયમાં જીવ ક્રોધી, હિંસાળું બની જાય છે. અને એ તે સમયે ભગવાનનું નામ પણ લઈ નથી શકતો. અને જો કોઈ એને ધર્મ સંભળાવે તો એ પણ એને સારો નથી લાગતો. માટે જીવને દુર્ગતિમાં ન જવું હોય અને પોતાની મૃત્યુ સુધારવી હોય તો ધર્મમય જીવન જીવવા સિવાય કોઈ ઉપાય નથી. કેમકે આયુષ્ય બંધ ક્યારેય પણ થઈ શકે છે.
એના સિવાય અંત સમયમાં પુણ્ય પ્રકાશનું સ્તવન, નવ સ્મરણ, સીમંધર સ્વામીની પાસે અમારે જાવું છે વગેરે સ્તવન, મહાપુરુષોની સઝાય વગેરે પણ સંભળાવતા રહેવું. જેથી સુંદર ભાવ ચાલ્યા કરે.