Jainism Course Part 04

SR No.: 006050
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 222
Language: Gujarati
Classification: Book_Gujarati
File Size: 10 MB

Page 31

આવ્યું કે નમિરાજ અઢાર દેશોની સભ્યતા-સંસ્કૃતિ અને આચાર-વિચારોના જાણકાર બની ગયા. આગળ જઈને એ બધી વિદ્યાઓમાં પૂર્ણ પારંગત થયા. પૂર્ણયોગ્ય અને યુવાન થયા ત્યારે રાજા પદ્માથે અનેક રાજકન્યાઓની સાથે એમના વિવાહ કર્યા. બધી રાજકન્યાઓ ગુણવતી, રૂપવતી અને કુલીન હતી. પોતાના પુત્ર નિમિરાજને બધી રીતે યોગ્ય અને સમર્થ જોઈને રાજા પમરથે રાજ્યભાર નમિરાજને સોંપ્યું અને પોતે ભાગવતી દીક્ષા લઈ લીધી. રાજા નમિરાજ નીતિ-ન્યાયથી સુશાસક તરીકે પ્રજાનું પાલન કરવા લાગ્યા. મિથિલાપતિ નમિરાજા વિપુલ ઐશ્વર્યના સ્વામી તો હતા જ સાથે સાથે પ્રબલ પરાક્રમી અને શૂરવીર યૌદ્ધા પણ હતા. અનેક રાજાઓએ એમની આધીનતા સ્વીકારી હતી. નમિરાજથી મૈત્રી જોડવી અન્ય રાજા પોતાનું સૌભાગ્ય સમજતા હતા.
ચન્દ્રયશ અને નમિરાજ બંને સગાભાઈ હતા. બંનેના પિતા યુગબાહુ અને માતા મદનરેખા હતી. પણ બંનેમાંથી કોઈપણ આ રહસ્યને જાણતા ન હતા. મદનરેખા અર્થાત્ સાધ્વી સુવ્રતા, વિદ્યાધર મણિપ્રભ, યુગબાહુદેવ તથા મુનિ મણિચૂડની ધર્મસભાના શ્રોતા આ બધાના સિવાય અન્ય બધાની દષ્ટિમાં નમિરાજ પમરથ રાજાના પુત્ર તથા મિથિલાના રાજા હતા અને ચન્દ્રય યુગબાહુના પુત્ર તથા સુદર્શનપુરના રાજા હતા. સુદર્શનપુરના રાજા ચન્દ્રયશ તથા મિથિલાના અધિપતિ નમિરાજ બંને વીરયોદ્ધા અને પોતાની આન-બાન-શાન પર મરી મટવાવાળા હતા.
એકવાર નમિરાજનો એક મદોન્મત હાથી, ચન્દ્રયશની સીમામાં ઘુસી ગયો. ચન્દ્રશે એને પકડીને પોતાની ગજશાળામાં બાંધી લીધો. નમિરાજે પોતાનો હાથી માંગ્યો. ચંદ્રશે એને આપવાનો ઇન્કાર કરી દીધો. એજ વાત ઉપર નમિરાજે સુદર્શનપુર ઉપર ચઢાઈ કરી લીધી. બંનેમાં ભયંકર યુદ્ધ જામી ગયું. એક હાથી બંનેની પ્રતિષ્ઠાનો પ્રશ્ન બની ગયો હતો. નગરના દરવાજા બંધ કરીને ચન્દ્રશે કિલ્લાની અંદરથી યુદ્ધ કર્યું. નમિરાજના વીર સૈનિક નગરમાં પ્રવેશ કરવાનો પ્રયાસ કરવા લાગ્યા. બંનેમાં કોણ પ્રબલતર છે, એનો નિર્ણય કરવો મુશ્કેલ હતું. બંને ભાઈ એકબીજાના પ્રાણોના ગ્રાહક બની ગયા હતા.
સાધ્વી સુવ્રતા.(મદનરેખા)એ અવધિજ્ઞાનથી બધુ જાણી લીધું. તેઓ બંને ભાઈઓ વચ્ચેના રાજ ને જાણતા હતા તેથી એમનું મન ખિન્ન થઈ ગયું. પોતાની ગુરુવર્યાની આજ્ઞા લઈને તેઓ યુદ્ધ સ્થળે જઈ પહોંચ્યા. યુદ્ધભૂમિમાં પ્રવેશ કરતા સાધ્વીજીને સૈનિકોએ રોક્યા. છતાં પણ રાજા પાસે જરૂરી કામ છે એવું કહીને એમણે સીધો નમિરાજની છાવણીમાં પ્રવેશ કર્યો. અચાનક એક સાધ્વીજીને પોતાની છાવણીમાં જોઈ નમિરાજ ચોંકી ગયા. વર્ષોથી વિખૂટા પડેલા પોતાના પુત્રને પહેલીવાર દેખવા છતાં પણ સાધ્વી સુવ્રતા મર્યાદામાં રહ્યા.