Page Text
________________
હતો. માટે એને દેવભવ પ્રાપ્ત થયો છે. જો એને આર્ત-રૌદ્ર ધ્યાનમાં પ્રાણ ત્યાગ કર્યો હોત તો એને નરક મળ્યું હોત. મદનરેખાની શિક્ષા તેમજ ઉપદેશથી એની સદ્ગતિ થઈ છે માટે આ દેવ મદનરેખાને પોતાના ગુરુ માને છે.”
આ સમાધાનથી બંનેને પરમ આનંદ થયો. હવે મદનરેખાએ પોતાના નવજાત પુત્રના વિશે પૂછ્યું કે “ભગવન્! હું મારા પુત્રને જંગલમાં છોડીને આવી છું, એની શું હાલત છે ?” મુનિએ કહ્યું. “મદનરેખા ! પુણ્ય જ જીવની રક્ષા કરે છે. તારો પુત્ર મિથિલા નગરીમાં રાજા પમરથનો પુત્ર બન્યો છે. બહુધામ-ધૂમથી એનો જન્મોત્સવ મનાવાય છે. મોટા-મોટા પ્રતાપી રાજા પદ્મરથને પુત્રજન્મની વધામણી આપવા આવી રહ્યા છે. અને અમૂલ્ય ભેંટ આપીને રાજા પમરથને નમન કરી રહ્યા છે. માટે એનું નામ “નમિરાજ' રાખવામાં આવ્યું છે. એના તરફથી તમે નિશ્ચિત રહો.” આ જાણીને મદનરેખા બહુ જ પ્રસન્ન થઈ. અને પૂર્વભવના પતિ યુગબાહુનો જીવ જે દેવ બન્યો છે એમની સાથે પોતાના પુત્રને જોવા મિથિલા તરફ પ્રયાણ કર્યું. મિથિલા નગરી પહોંચતાં પહોંચતાં એણે પુત્ર દર્શનનો મોહ ત્યાગી દીધો અને સાધ્વી સુદર્શનાના ઉપાશ્રયમાં પહોંચી. ત્યાં એણે સાધ્વી સુદર્શનાની પાસે ભાગવતી દીક્ષા અંગીકાર કરી ચારિત્રનું પાલન કરવા લાગી. સતી મદનરેખા હવે સાધ્વી સુવ્રતાના નામથી ઓળખાવવા લાગી. ચારિત્રનું પાલન કરતાં કરતાં સુવ્રતા સાધ્વીને અવધિજ્ઞાન પ્રાપ્ત થયું.
અહીંયા જ્યારે પોતાના નવજાત પુત્રને ઝોળીમાં લટકાવીને મદનરેખા શરીર શુદ્ધિ માટે નજીકના સરોવરમાં પહોંચી હતી, ત્યારે મિથિલાના રાજા પમરથ પોતાના અંગરક્ષકો સહિત વનભ્રમણ માટે આવ્યા હતા. સંયોગથી એ એકલા રહી ગયા અને એના સાથી વિખૂટા પડી ગયા. રાજા પમરથ એજ ઝાડની નીચે ઉંઘીને વિશ્રામ કરવા લાગ્યા, જે ઝાડ ઉપર ઝોળી ટાંગેલી હતી. એમની નજર જ્યારે ટાંગેલી ઝોળી ઉપર પડી તો કૂતુહલવશ એમણે ઝોળીને ઉતારી. નવજાત બાળકને જોઈને રાજા પમરથની ખુશીનો કોઈ પાર રહ્યો નથી, કેમકે એ નિઃસંતાન હતા. આજે આંધળાને બે આંખો મળી ગઈ હતી. મિથિલાની પ્રજાના ભાગ્ય જાગી ગયા હતા, કેમકે એમને રાજયના ઉત્તરાધિકારી મળી ગયો હતો. સંધ્યાના સમયે રાજા પદ્મરથ બાળકને લઈને રાજધાની પહોંચ્યા. પહોંચતાં પહોંચતાં રાત્રિ થઈ ગઈ હતી. રાજાએ બાળક પટરાણી પુષ્પમાલાને સોપ્યું. પુષ્પમાળાનો ખોળો ભરાઈ ગયો. એની ખુશીનું વર્ણન કોણ કરી શકે? એના પછી રાજાએ નગરીમાં ઘોષણા કરાવી કે પટરાની પુષ્પમાલા અજ્ઞાતગર્ભિણી હતી. એમણે એક પુત્રને જન્મ આપ્યો છે. બીજા દિવસે પુત્ર-જન્મના મહોત્સવની સાથે કેટલાય રાજાઓએ ભેંટ આપીને રાજા પદ્મરથને નમન કર્યા, માટે આ બાળકનું નામ “નમિરાજ' રાખવામાં આવ્યું.
નમિરાજનું પાલન-પોષણ પાંચ ધાવ માતાઓના સંરક્ષણમાં થવા લાગ્યું. જયારે એ થોડો મોટો થયો ત્યારે અઢાર દેશની ધાવમાતાઓ એનું પાલન-પોષણ કરવા લાગી. એનું પરિણામ એ
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |