Jainism Course Part 04

SR No.: 006050
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 222
Language: Gujarati
Classification: Book_Gujarati
File Size: 10 MB

Page 110

પરિવારમાં ફરીથી એક અલગ જ રોશની ઝગમગી ઉઠી. પ્રસંગ હતો વિનય અને શ્રેયાના લગ્નની પહેલી સાલગિરાનો. બહુ જ ધૂમધામથી વિનય અને શ્રેયાની પહેલી સાલગીરા મનાવવામાં આવી. સુશીલાએ પોતાના હાથે શ્રેયાને કંગન પહેરાવ્યા. ઓફિસમાં પણ વિવેકે વિનયને એક આલીશાન પર્સનલ કેબિન ગિફટ કર્યું. આ પ્રમાણે મોક્ષાની સમજણથી ઘરમાં ફરીથી એક દુઃખદ ઘટના ઘટવાથી બચી ગઈ.
આ પ્રમાણે મોક્ષાના ઘર ઉપર તો ખુશીઓનો માનો વરસાદ થઈ રહ્યો હતો. એક બાજુ વિનય પાછો આવી ગયો હતો અને બીજી બાજુ વર્ષોથી વિદેશમાં ભણી રહેલો ઘરનો સહુથી નાનો ચિરાગ વીરાંશ પોતાનું ભણતર પૂરું કરીને ઘરે પાછો આવી ગયો. પરંતુ દુઃખ એ વાતનું હતું કે વીરાંશ એકલો નથી આવ્યો, પરંતુ પોતાની સાથે ત્યાંની આધુનિકતા અને કુવ્યસનો સાથે લઈને આવ્યો હતો. શું શરાબની બોટલોના કારણે બહેકેલા વીરાંશના કદમોને મોક્ષા સાચા રસ્તે લાવી શકે છે? સિગરેટના ધુમાડામાં ઉડી રહેલી વીરાંશ અને એની જેમ કેટલાય યુવાનોની યુવાશક્તિને એ બચાવી શકશે? જોઈએ જૈનિજમના આગળના ખંડમાં - "Message for Youth" માં
(YYYYYYYYYY
તે પવિત્રતાનું રહસ્ય
જૈનિજમના પાછળના ખંડમાં તમે જોયું કે ડૉલીને એકલી જોઈ જૉન ખોટા ઈરાદાથી એને પકડવાની કોશિશ કરવા લાગ્યો. અને આ બાજુ ડૉલીના ઘરમાં ખુશબૂ અને સુષમાની વચ્ચે ઉઠેલા તૂફાનને જયણાએ પોતાની સૂઝબૂઝથી શાન્ત કર્યું. આવી રીતે સુષમા અને ખુશબૂની વચ્ચે પણ માઁબેટીના સંબંધ થઈ ગયા.
| ડૉલીના ગયા પછી સુષમાના જીવનમાં દીકરીની ઉણપ હવે ખુશબૂએ પૂરી કરી લીધી હતી. આટલું જ નહીં જયણા અને દિવ્યાના ભેગા થયા પછી સુષમાનો પરિવાર હવે ધર્મના માર્ગમાં પણ જોડાઈ ગયો હતો. સુષમાના જીવનમાં તથા એના પરિવારમાં આવેલા પરિવર્તનથી જયણા ખુશ હતી. પરંતુ જયણાને એકવાત બહુ જ ખટકતી હતી. ધર્મના માર્ગમાં વધારે આગળ વધવા માટે જે પવિત્રતાની આવશ્યકતા હતી. એની સુષમાના પરિવારમાં બહુ જ ઉણપ હતી. એટલે કે મોડર્નિટીના રંગમાં રંગાયેલી સુષમા જરૂર બદલાઈ ગઈ હતી પરંતુ એમ.સી.પાલનના વિષયમાં હજુ સુધી એ સાવધાન ન હતી. સુષમાને જોઈને ખુશબૂમાં પણ આવા જ સંસ્કારોનું રોપણ થયું અને એ પણ એમ.સી.પાલનમાં અનુકુલતા અનુસાર છૂટ-છાટ લેતી હતી. જયણા એ બંનેને એમ.સી.પાલનના ફાયદાઓથી અવગત કરાવવા માંગતી હતી. અને એના માટે તે યોગ્ય મોકાની તલાશમાં હતી.