Page Text
________________
વિધિ, વિવેક અને પ્રશાંતનો અવાજ સાંભળીને વિનય, મોક્ષા અને શ્રેયા ત્રણેય બહાર જ રોકાઈ ગયા અને અંદર-). વિધિ પણ ભાઈ ! આખરે વાત શું થઈ કે વિનય અને શ્રેયા ઘર છોડીને ચાલ્યા ગયા? વિવેક એ જ તો ખબર નથી પડતી વિધિ કે આખરે વિનય કયા અન્યાયની વાત કરી રહ્યો હતો? એકવાર મારી સાથે ખુલીને વાત કરે તો મને પણ કંઈક ખબર પડત. સાચે જ વિનયના ગયા પછી ઘરે કે ઓફિસ ક્યાંય પણ મને નથી લાગતું. રડી-રડીને મમ્મીની હાલત ખરાબ થઈ ગઈ છે. મોક્ષા ગઈ છે બંનેને મનાવવા માટે. જો સાચ્ચે જ મારી કોઈ ભૂલ હશે તો હું પોતે જઈને વિનય પાસે માફી માંગીને એને ઘરે લઈ આવીશ. એકવાર મોક્ષા આવી જાય તો બધી ખબર પડી જાય. વિનય વગર તો બધુ જ સુનું-સુનું થઈ ગયું છે. વિધિઃ ભાઈ ! તમે બિલકુલ ચિંતા કરશો નહી. વિનય હજુ નાનો છે. આપણાથી નારાજ થઈ ગયો છે. પણ એના મનમાં અમારા માટે બહુ જ પ્રેમ છે. એ પોતે જ આપણા વિના રહી નહી શકે અને મોક્ષા ભાભી એમને સમજાવીને લાવતી જ હશે. પ્રશાંતઃ વિનય ભલેને આપણાથી નારાજ થઈ ગયો છે પણ એ મોક્ષાની વાત ક્યારેય નહીં ટાળે. એ એટલા કઠોર દિલનો નથી કે પોતાના માં-બાપને રડતાં છોડીને ચાલ્યો જશે. ભૂલ તો મારાથી થઈ છે. હું જ પોતાના દિકરાને પ્રેમથી સમજાવવાને બદલે એને ધુત્કારીને ઘરેથી બહાર કાઢવા માટે તૈયાર થઈ ગયો. કાશ એકવાર મેં એના માથા ઉપર હાથ ફેરવીને પ્રેમથી એને પૂછ્યું હોત તો આજ આ નોબત ન આવત.
(આટલું કહેતાં જ પ્રશાંતની આંખો ભરાઈ ગઈ.) પ્રશાંતઃ શું શું સપના જોયા હતા વિનયના લગ્નની પહેલી એનીવર્સરી માટે વિચાર્યું હતું કે એને એક સરપ્રાઈઝ કેબિન ગિફ્ટ કરીશ. એટલા માટે વિવેકે વિનયથી છુપાવીને બધા પેપર્સ પણ તૈયાર કરી દીધા. આટલા વર્ષો થઈ ગયા વિવેકના લગ્નને પરંતુ હજુ સુધી અમે એની એનીવર્સરી માટે ક્યારેક કોઈ પાર્ટી નથી રાખી. પરંતુ વિનય તો આ ઘરનો લાડકો દિકરો છે. માટે વિનયથી છુપાવીને મોટી પાર્ટી પણ રાખી છે. બધાને નિમંત્રણ પણ આપી દીધું છે, હવે ભગવાન જાણે શું થશે?
(પોતાના પિતાની બધી વાતો સાંભળીને વિનયની આંખોમાંથી આંસૂ વહેવા લાગ્યા. એની બધી શંકાઓનું સમાધાન પણ થઈ ગયું હતું. એ મનમાં ને મનમાં પોતાની જાતને ધિક્કારવા લાગ્યો કે એણે વગર વિચાર્યે પોતાના ઘરથી અલગ થવાનો ફેંસલો કેવી રીતે કરી લીધો? હવે આગળ શું થયું એ તો તમે પોતે જ સમજી ગયા હશો. વિનય દોડતો દોડતો પોતાના પિતાના પગે પડી ગયો. અને....)
શું છે?
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |