Page Text
________________
લગ્નની પહેલી એનીવર્સરી ઉપર તને ભેટ આપવા માટે બનાવડાવ્યા હતા. માટે મમ્મી એ કંગનોને તારી નજરથી બચાવીને રાખવા ઇચ્છતી હતી. પરંતુ થયું કંઈક ઉલ્ટું જ, તે મમ્મીને એ કંગન મને આપતા જોઈ લીધા અને એની પાછળ આટલો હંગામો થઈ ગયો.
(મોક્ષાની આ વાત સાંભળતાં જ શ્રેયાની આંખોમાં આંસુ આવી ગયા. અને એ રડતી રડતી મોક્ષાના પગમાં પડી ગઈ. મોક્ષાએ એને ઊભી કરી અને એના આંસુ લૂછ્યાં.) શ્રેયા : (રડતા રડતા) ભાભી ! મને માફ કરી દો. મેં તમારી ઉપર અને સાસુમાઁની ઉપર ખોટા આરોપ લગાવ્યા. પોતાની ગેરસમજને કારણે અને પોતાની મમ્મીની વાતોમાં આવીને મેં સાસુમાઁ માં ક્યારેય માઁના દર્શન જ ન કર્યા. સાસુમાઁ શબ્દમાંથી માઁ શબ્દને કાઢીને હંમેશા એમનામાં સાસુંનું જ રૂપ જોયું છે. મોટી બહેન જેવી ભાભી મળવા છતાં પણ મેં તમારા પ્રત્યે ઇર્ષ્યા કરી. મેં એક દિકરાને એની માઁથી અલગ કરવાનો ગુનો કર્યો છે. મને માફ કરી દો ભાભી, મને માફ કરી દો. મોક્ષા : શ્રેયા ! હજુ પણ કંઈ નથી બગડ્યું. સવા૨નો ભૂલ્યો જે સાંજે ઘરે આવે તો તે ભૂલ્યો ન કહેવાય. ચાલ, હવે આપણા ઘરે જઈએ. મમ્મી-પપ્પા તમને જોઈને બહુ જ ખુશ થઈ જશે. વિનય : ભાભી ! તમે શ્રેયાની બધી ગેરસમજને તો દૂર કરી. પરંતુ મારી શંકાનું તો કોઈ સમાધાન મને મળ્યું જ નહી.
મોક્ષા : કઈ શંકા વિનય ?
વિનય ઃ મેં પપ્પાને વસીયતના પેપર્સ ભાઈને આપતાં જોયા છે. સાથે જ વિવેકભાઈ એ પણ કહેતા હતા કે જો આ પેપર વિનયના હાથમાં આવી જશે તો બધો પ્લાન ચૌપટ થઈ જશે. જો ભાઈ અને પપ્પાના મનમાં ભેદભાવ ન હોત તો શું તેઓ મારાથી પેપર્સ છુપાવત ?
(વિનયની વાત સાંભળીને મોક્ષા વિચારમાં પડી ગઈ.)
મોક્ષા ઃ વિનય ! આ વાતના વિષયમાં તો મને પણ કંઈ ખબર નથી. વિવેક અને પપ્પાએ પણ ઘરે કોઈ વાત નથી કરી. માટે તારી આ શંકાનું સમાધાન તો હું નહીં આપી શકું. એક કામ કરીએ આપણે પહેલા અહીંથી સીધા ઓફિસ પહોંચી જઈએ. ત્યાં જઈને વિવેકને બધી વાતો કરી લઈશું. મને પૂરો વિશ્વાસ છે કે આમાં પણ તને થોડીક ગેરસમજ થઈ હશે.
(મોક્ષા પાસેથી આટલા બધા સમાધાન મેળવીને વિનયનું મન મોક્ષાની સાથે ઓફિસ જવા માટે તૈયાર થઈ ગયું. મોક્ષા, વિનયની સાથે ઓફિસ પહોંચી ગઈ. એ જ સમયે વિવેકના ઘર છોડ્યાની વાત વિધિને ખબર પડતાં જ એ વિવેક સાથે વાત કરવા ઓફિસ પહોંચી ગઈ. વિધિ-વિવેક અને પ્રશાંત ત્રણેય અંદર વાતો કરી રહ્યા હતા, ત્યારે મોક્ષા, વિનય અને શ્રેયાં ત્યાં પહોંચી ગયા. પરંતુ
89
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |