________________
માટે ધર્મ કરવો આવશ્યક છે. આ અણમોલ માનવ ભવ મળ્યો છે. હજુ પણ સમય છે જીવનને ધર્મમાર્ગે લગાવીને સાર્થક કર. નહીંતર ક્યાંક એવું ન થાય કે આવતા ભવમાં તેને મનુષ્ય શરીર જ ન મળે માટે હવે ધર્મમય વાતાવરણમાં પોતાનું જીવન વીતાવવાની સાથે તારી વહુને પણ ધર્મમાં જોડ. સુષમા સાચું જયણા, આજ સુધી તે મારા હિત માટે જે પણ કહ્યું મેં હંમેશા એની અવગણના જ કરી છે. પરંતુ આજે મને એવું લાગે છે કે જો મેં તારી વાત માનીને ધાર્મિક જીવન વ્યતીત કર્યું હોત અને ડૉલીને પણ સંસ્કાર આપ્યા હોત તો મારે ક્યારેય પણ દુઃખી ન થવું પડત. આજથી તારી દરેક હિતશિક્ષાને જીવનમાં ઉતારીને પોતાના જીવનને સુધારવાની કોશિશ કરીશ. જયણા ! ખબર નથી પડતી કે કયા શબ્દોમાં તારો આભાર વ્યક્ત કરું. જયણા : સુષમા મને તારા આભારની કોઈ આવશ્યક્તા નથી. મારા કહ્યા અનુસાર જો તું ધર્મમાં જોડાઈ જઈશ તો હું માનીશ કે મારું કહેવું સાર્થક થયું.
(આ પ્રમાણે હિતશિક્ષા લઈને સુષમા પોતાના ઘરે આવી. આજે એના ચહેરા ઉપર એક અલગ જ પ્રસન્નતા હતી તથા હૃદયમાં એક અનોખો આનંદ હતો. આ આનંદ હજારો કિટી પાર્ટીઓ અટેંડ કર્યા પછી પણ એને ક્યારેય મહસૂસ નથી થયો. ઘરમાં આવીને સુષમા હૉલમાં બેસીને વિચારી રહી હતી કે હું ખુશબૂથી વાત કરવાની શરૂઆત કેવી રીતે કરું? અને અહીં અચાનક મિક્સીમાં ચટણી બનાવતા સમયે ખુશબૂનો હાથ મિક્સીની બ્લેડથી કપાઈ જવાને કારણે લોહી નીકળવા લાગ્યું. દર્દને કારણે ખુશબૂ જોરથી રડવા લાગી. એક બાજુ હાથ કપાયાનું દર્દ અને બીજી બાજુ હમણાં મોમ આવીને ચીલ્લાવશે કે જોઈને કામ નથી કરી શકતી, એ વાતનો ડર ખુશબૂના ચહેરા ઉપર સાફ દેખાતો હતો ખુશબૂના રડવાનો અવાજ સાંભળીને સુષમા તરત ત્યાં આવી) સુષમાઃ અરે બેટા ! તને તો કેટલું લાગ્યું છે, કેટલું લોહી નીકળે છે. ઉઠ બહાર આવ.
(આટલું કહીને સુષમા હાથ પકડીને એને હૉલમાં લાવી અને ડેટોલથી એના હાથનો ઘા સાફ કરવા લાગી.) સુષમા બેટા ! બહુજ દર્દ થાય છે ને? તું રડ નહીં. હું હમણાં જ ડૉ.ને ફોન કરું છું.
(સુષમાએ ડૉ.ને ફોન કરીને બોલાવ્યા અને જ્યાં સુધી ડૉ. આવ્યા નહીં ત્યાં સુધી ખુશબૂની પાસે જ બેસી રહી. અને તેને ધીરજ આપતી રહી. એટલામાં ડૉ. આવી ગયા અને ખુશબૂન ઘા ઉપર ડ્રેસિંગ કરવા લાગ્યા.
કરી