________________
ડૉ. જુઓ ઘા વધારે હોવાને કારણે તથા લોહી વધારે વહી જવાને કારણે આમને દસ દિવસ સુધી પાણીમાં હાથ ન નાખવા દેતા, નહીંતર સેટીક થવાની પૂરેપૂરી સંભાવના છે અને જો સેપ્ટીક વધી ગયું તો હાથ પણ કપાવવો પડશે. (આટલું કહીને ડૉ. ત્યાંથી નિકળી ગયા. એટલામાં ખુશબૂ પણ ઉઠીને કિચનમાં જવા લાગી ત્યારે) સુષમા ખુશબૂ બેટા ક્યાં જઈ રહી છે? ખુશબૂ મમ્મીજી એ ચટની...? સુષમાઃ અરે ચટણી તો હું સાફ કરી લઈશ, તું જા આરામ કર.
(ખુશબૂ ત્યાંથી જતી રહી. એ તો વિચારતી હતી કે સાસુમાઁ આજે વહ્યા કેમ નહીં ? વઢવાને બદલે આજે એમના મોંઢામાંથી આવા મીઠા શબ્દો કેવી રીતે નીકળી રહ્યા છે? અચાનક પોતાની સાસુના બદલાયેલા વ્યવહારથી એના આશ્ચર્યનો પાર ન રહ્યો. ચાર દિવસ સુધી તો સુષમાએ ખુશબૂને જરા પણ કામ કરવા ન દીધું. જો ખુશબૂ કિચનમાં આવી પણ જતી તો એને પ્રેમથી પાછી આરામ કરવા મોકલી દેતી. અહીં સુધી કે સાંજનું ખાવાનું પોતાના માટે અલગ બનાવીને પછી રાત્રે જ્યારે પ્રિન્સ ઘરે આવતો ત્યારે ખુશબૂ અને પ્રિન્સને માટે અલગથી જે ખુશબૂને પસંદ હોય તેવું ગરમાગરમ ખાવાનું બનાવીને આપતી.)
(એક દિવસ ખુશબૂનો ભાઈ કેતન અચાનક એને મળવા આવ્યો.) ખુશબૂઃ અરે, ભાઈ તમે અહીં ક્યાંથી? કેતન ખુશબૂ! પહેલાં તું એ બતાવ કે તારી તબિયત કેમ છે, ઘા ભરાઈ ગયો કે નહીં? ખુશબૂઃ તને કેવી રીતે ખબર પડી? કેતનઃ તારી સાસુમાઁએ જ બતાવ્યું અને એમના જ કહેવાથી હું તને લેવા આવ્યો છું.
(કેતનની વાત સાંભળતાં જ ખુશબૂ વિચારમાં પડી ગઈ. એટલામાં સુષમા ત્યાં આવી) સુષમાઃ અરે કેતન બેટા! તું ક્યારે આવ્યો? આવ બેસ.
(આટલું કહીને સુષમા કેતનની માટે પાણી લઈને આવી. ખુશબૂ તો માત્ર આંખો ફાડીને બધું દેખતી જ રહી ગઈ.) કેતન: આન્ટીજી ! હું ખુશબૂને લેવા માટે આવ્યો છું. સુષમા ઃ અરે, હૉ બેટા ! ખુશીથી લઈ જાવ. ખુશબૂની તરફ) જાઓ બેટા બે-ચાર દિવસ રહીને આવો.
