Page Text
________________
કે આવી વહુ ગળે પડી છે. માઁ-બાપે સંસ્કાર તો આપ્યા જ નથી. સાત વાગે મહારાણી ઉઠે છે અને આઠ વાગ્યા સુધી નીચે આવે છે. ભગવાન જાણે રૂમમાં શું કરે છે? પછી ૮ વાગે નીચે આવીને સીધી ભગવાનના દર્શન કરીને રસોઈમાં નાસ્તો કરવા જાય છે. કેસર-બદામવાળું દૂધ અને ઇલાયચીવાળી કડક ચા અને નાસ્તામાં પણ જાત-જાતની આઈટમ વગર તો એને ચાલતું જ નથી. ત્યાંથી એ ધર્મની પૂંછડી નાહી-ધોઈને સીધી પૂજા કરવા જાય છે. કોઈ મ.સા. હોય તો વ્યાખ્યાનમાં ગયા વગર તો એ રહી જ નથી શકતી. ત્રણ-ચાર કલાક પછી એ પૂજારણ ઘરે આવે છે. અને પછી વાસણ વગાડીવગાડીને બતાવવાની કોશિશ કરે છે કે હું કામ કરી રહી છું. પછી થાળી લઈને બેસી જાય છે. મિઠાઈ અને ફરસાણની સાથે પેટ ભરીને ખાવાનું ખાધા પછી કોને ઉંઘ ન આવે? ખાધા પછી એક કલાક સૂઈ જાય છે. અને ઉઠતાં જ કડક ચા પીને કામ ન કરવું પડે માટે સામાયિક કરવા બેસી જાય છે. ઉઠીને બજારમાં શાકભાજી ખરીદવા ચાલી જાય છે. બજારમાં કામ ૧૦ મિનિટનું પણ અડધો કલાક બહાર ફરીને આરામથી આવે છે અને આવતાં જ ચોવિહાર કરવા બેસી જાય છે. પછી સાંજે મને મસ્કા મારવા આવી જાય છે. કહે છે, કેમ છો મોંમ, તબિયત તો ઠીક છે ને? કોઈપણ કામ હોય તો મને જરૂર કહેજો. અને પછી પ્રતિક્રમણ કરીને પહોંચી જાય છે મારા દિકરાની પાસે. ખબર નહીં શું જાદુ કરી દીધો છે મારા દિકરા ઉપર કે એ પણ એના વખાણ જ કરતો ફરે છે.”
ત્યારે પેલી સહેલી બોલી, “અરે રે ! આ તો બહુ જ ખરાબ થયું. આજકાલ તો જમાનો જ ખરાબ છે સારું એ તો બતાવ કે તારી દિકરી કેમ છે? એને સાસરે તો બધુ બરાબર છે ને?” દિકરીનું નામ સાંભળતાં જ એના ચહેરા ઉપર ચમક આવી ગઈ, એ કહેવા લાગી – “અરે ! શું કહું તને? ભવો-ભવના પુણ્યના ફળ સ્વરૂપ આવું સાસરું મળ્યું છે. ખાનદાની પરિવાર, પૈસાવાળા છે માટે નોકરોની કોઈ કમી નથી. મારી દિકરી આરામથી આઠ વાગ્યા સુધી ઉઠે છે. અને પછી ભગવાનના દર્શન કરી સીધી નાસ્તો કરવા જાય છે. પૈસાવાળા છે અને મોટો પરિવાર છે. માટે ઇલાયચીવાળી ચા, કેસર-બદામવાળું દૂધ અને બે-ચાર નાસ્તા તો રોજે બને જ છે. પછી એ નાહી-ધોઈને મંદિર જાય છે. મેં એને કેટલા સુંદર સંસ્કાર આપ્યા છે કે મંદિર ગયા વિના અને ગુરૂ મહારાજનું પ્રવચન સાંભળ્યા વિના તો એને ચેન જ નથી પડતું. માટે ત્રણ-ચાર કલાક તો મંદિરમાં થઈ જ જાય છે. ત્યાંથી રસોડામાં થોડી ઘણી મદદ કરાવીને બધા જમવા બેસે છે. આટલો મોટો પરિવાર બધા હળી-મળીને જમવા બેસે છે. એની સાસુ તો એની ઉપર એટલી ખુશ છે કે કેટલીય વાર તો પોતાના હાથે એને ખવડાવે છે. પૈસાવાળા છે એટલે રોજ નવા-નવા મિષ્ઠાન બને છે. પછી બપોરે કંઈ કામ ન હોવાને
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |