________________
સુષમા ઃ .: જયણા ! હું તારી વાત બરાબર સમજી નહી. છોકરી ૨૦-૨૦ વર્ષ સુધી પિયરમાં રહીને આવે છે. એ તો બધાને ખબર જ છે કે દિકરીઓ પારકું ધન હોય છે, અને એના અનુસાર માઁ પોતાની દિકરીને સંસ્કાર આપે છે. દિકરી સાસરે જશે એવું વિચારીને માઁ એને ઘર-ગૃહસ્થીનું બધુ કામ શીખવાડે છે. એટલે કે છોકરી પૂરી રીતે સંસ્કારિત થઈને જ સાસરે આવે છે. તો પછી એની પાછળ આટલો સમય બરબાદ કેમ કરવો ? શરૂઆતના છ મહિના દિવ્યાની સાથે વિતાવીને તું ઘણીબધી ધર્મારાધના ન કરી શકી. પોતાના ઘણાબધાં કાર્યોને ગૌણ કર્યા હશે, માટે મારો પ્રશ્ન એ જ છે કે જ્યારે વહુ પિયરથી બધુ શીખીને જ આવે છે તો પછી ફરી એને આ બધુ શીખવવાની શી જરૂર ?
જયણા : નહી સુષમા તું જેવું વિચારે છે તેવું નથી. નવી-નવી વહુ ઘરમાં આવે છે ત્યારે તે અંદર ને અંદર બહુ ડરેલી રહે છે. એક તો નવું વાતાવરણ, નવા લોકો અને ઉપરથી ભૂલ થવા પર ઠપકો મળવાનો, પોતાની પ્રેસ્ટિઝ ઓછી થવાનો કે પછી પિયરનું નામ ખરાબ થવાનો ભય. આવી સ્થિતિમાં સાસુએ પ્રેમથી એને સહાનુભૂતિ આપીને એને પોતાની બનાવવી જોઈએ. સુષમા ! વહુ ચાહે ખાવાનું બનાવવામાં કેટલી પણ હોશિયાર કેમ ન હોય, સાસરે આવ્યા પછી એના મનમાં એટલો ડર હોય છે કે એ કંઈને કંઈ ગડબડ કરી જ બેસે છે. કાં તો મીઠું જ ન નાંખે કે પછી ડબલ નાખી દે. આવું થવું સ્વાભાવિક છે.
તું પોતાનો ભૂતકાળ જ જોઈ લે. સાસરે આવ્યા પછી તારી પણ કંઈક આવી જ હાલત હતી. એવામાં કામ તો એને બંધુ આવડે જ છે એટલે કે વહુને કામ શીખવાડવું એ સાસુનું કર્તવ્ય નથી. પરંતુ પ્રેમ આપીને એના ભયને દૂર કરીને પોતાપણાનો અહેસાસ કરાવવો એ સાસુનું કર્તવ્ય છે. એના બદલે તે એને પ્રેમ આપવો તો દૂર એની મહેંદીનો રંગ ઉડ્યા પહેલા જ બધા કામનો ભાર એના નાજુક ખભા ઉપર નાંખી દીધો. શું તે ક્યારેય એને પ્રેમથી બેસાડીને પૂછ્યું કે બેટા ક્યાંક તને તારી માઁ ની યાદ તો નથી આવતીને ? એવું પૂછવું તો દૂર તેં તો એને પોતાની માઁ સાથે વાત પણ કરવા ન દીધી. હજી સુધી તો તે પોતાના માતા-પિતાને ભૂલી નહતી અને તેં તો હંમેશ હંમેશને માટે પિયરથી એનો સંબંધ તોડવાની કોશિશ કરી.
સુષમા ! માન્યું કે એણે જિન્સ પહેર્યું, પરંતુ એને એટલી તો શરમ હતી કે તે તારી સામે પહેરીને ન આવી. તું ઇચ્છત તો આજ વાત તું એને પ્રેમથી સમજાવી શકતી હતી. પણ તે પ્રેમ આપવાના બદલે એને વઢી અને એને નીચુ દેખાડવા માટે તું ખોટા રસ્તે ગઈ અને પોતાની દિકરી ડૉલીનો પક્ષ લીધો, તો પછી એ બિચારી ચુપ કેવી રીતે રહી શકે ? એના અરમાન તો એજ રહ્યા હશે કે હું બધાને પોતાના
35