Jainism Course Part 03

SR No.: 006049
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 230
Language: Gujarati
Classification: Book_Gujarati
File Size: 12 MB

Page 50

છોકરી, પોતાના પૂરા પરિવારને છોડીને પારકા ઘરે આવે છે. માતાપિતાના ઘરને છોડીને અજાણ્યા ઘરમાં રહેવું કેટલું કઠીન છે? છતાં પણ છોકરી આટલો મોટો ત્યાગ કરીને સાસરે આવે છે. માટે તો એને સંતાનથી પણ વધારે પ્રેમ આપવો જોઈએ. કેમકે સાસરીયામાં આવવું એ તો એની માટે નવો જન્મ લેવા જેવું છે. શરૂઆતમાં તો વાત્સલ્ય નિધિ બનીને વાત્સલ્યથી પુત્રવધુનું નિર્માણ કરવું જોઈએ. વહુના પિયરના રીતિ-રિવાજો , ખાન-પાન, રીતભાત બધુ અલગ હોય છે અને નવા પરિવારમાં રહેવામાં, નવા રીતિ-રિવાજોને સમજવામાં, એના અનુસાર ચાલવામાં સમય તો લાગે જ છે અને એની સાથે જરૂરત હોય છે સાસુના પ્રેમની. સુષમા તે એને તો એના કર્તવ્યો બતાવ્યા પણ શું તે ક્યારેય પોતાના કર્તવ્યોની તરફ ધ્યાન આપ્યું? સુષમા જયણા! મારું શું કર્તવ્ય છે? વહુના આવ્યા પછી તો સારું કર્તવ્યથી મુક્ત થઈ જાય છે. તું પોતાની જાતને જ જોઈ લે, તું કેટલી ફ્રી છે. કેમકે તારી વહુ સારી રીતે પોતાના કર્તવ્યોનું પાલન કરે છે. એના માટે તે કયા કયા કર્તવ્યો નિભાવ્યા? જયણાઃ હું તને મારા ઉદાહરણથી જ સમજાવું છું કે – આજ વહુને આટલી યોગ્ય બનાવવામાં મેં મારા કર્તવ્યોનું કઈ રીતે પાલન કર્યું. એથી તને તારા બધા પ્રશ્નોનું સમાધાન મળી જશે. દિવ્યા નવીનવી હતી ત્યારે એને અનુકૂળ વાતાવરણ બનાવવા માટે હું વધારામાં વધારે સમય એની પાસે રહેતી. એને કામ-કાજ શીખાવતી. ઘરના રીતિ-રિવાજોથી પરિચિત કરાવતી, શરૂઆતમાં તો જે વસ્તુ એની પ્રિય હતી તે જ ઘરમાં બનતી, પણ સાથે જ ઘરના લોકોની પ્રિય વસ્તુઓની જાણકારી પણ એને આપતી. કપડામાં એની પસંદને હંમેશા વધારે ગણી અને ઘરના લોકોની જે પસંદ છે એની પણ એને જાણ આપતી, આડોશ-પાડોશના લોકો સાથે એનો પરિચય કરાવ્યો. એમના સ્વભાવની જાણકારી તથા એમની પાસે કામ કેવી રીતે લેવું, એ વિષે એને સમજાવ્યું. એની સહેલીઓ કે પિયરથી કોઈપણ આવે તો એમની પાસે બેસવા માટે એને પૂરતો સમય આપતી. જેથી બધા જ ખુશ થઈને જતા. એટલું જ નહી લગ્ન પછી થોડા મહિના સુધી તો સમય-સમય પર એને પિયર મોકલતી. જેથી પિયરથી જ્યારે તે પાછી સાસરે આવે તો ખુશ જ રહે. એ રીતે એની પસંદને અનુકૂળ માહોલ ઉભું કરી દીધું. મારો આટલો પ્રેમ મળવાથી વહુએ પણ હવે પોતાના કર્તવ્યોને, પોતાની જવાબદારીઓને પોતાની સમજી. પિોતાની કાર્ય-કુશળતાથી ઘરના બધા લોકોનું દિલ જીતી લીધું. હવે પોતાની જાતને એ આ પરિવારનું મહત્ત્વપૂર્ણ અંગ સમજે છે. મેંછ મહિના પોતાના અરમાનો છોડીને એના અરમાનોને મુખ્યતા આપી પરિણામ સ્વરૂપ આજે હું આરામથી જ્યાં ઇચ્છું ત્યાં જઈ શકું છું, જે ઇચ્છું તે કરી શકું છું.