Page Text
________________
જેવી જ દિવ્યા નીચે બેઠી તેવી જ સુષમાની આંખોમાંથી ધડ-ધડ આસું વહેવા લાગ્યા. ત્યારે દિવ્યા એ વિચારીને અંદર ચાલી ગઈ કે જરૂર આન્ટીજી પોતાના મનની કોઈ વાત મમ્મીજીને કહેવા આવ્યા હશે. માટે મારે અહીં બેસવું ઉચિત નથી.)
જયણા : અરે સુષમા ! કેમ રડી રહી છે ? શું વાત છે ? શું થયું ? શું ડૉલીની યાદ આવી ગઈ ? સુષમા ઃ (બહુ મુશ્કેલથી પોતાની જાતને રોકતાં) જયણા ! હું અત્યાર સુધી બે વાર તારા ઘેર સમાધાન લેવા આવી અને બંને વાર તારા ઘરનું વાતાવરણ જોઈને મારી આંખોમાં આસુંઓને હું રોકી ન શકી. જયણા : કેમ સુષમા, એવું શું થયું ?
ન
સુષમા ઃ જયણા પહેલા હું ડૉલી માટે આવી હતી. ત્યારે મોક્ષાનો વિનય જોઈને મારી આંખોમાં આંસુ આવ્યા હતા અને આજે દિવ્યાનો વિનય જોઈને મને રડવું આવી ગયું.
જયણા : સુષમા ! તું બહુ જ ટેન્શનમાં હોય એવું લાગે છે. દિલ ખોલીને બતાવ કે શું થયું? સુષમા : જયણા ! ડૉલીના ગયા પછી મારો એકમાત્ર સહારો હતો મારો દિકરો પ્રિન્સ ! કેટલાય અરમાનો સજાવીને ખૂબ ધૂમ-ધામથી એના લગ્ન કરાવીને વહુને ઘરમાં લાવી. પરંતુ આજે મારો દિકરો અને વહુ મને જ ઘરમાંથી બહાર કાઢવા માટે ષડયંત્ર રચી રહ્યા છે..(આટલું કહીને સુષમાએ શરૂઆતથી લઈને પ્રિન્સની ધમકી સુધીની બધી વાતો જયણાને કહી)
સુષમા ઃ જયણા, તું જ બતાવ કે શું ઉણપ રાખી છે મેં પ્રિન્સને પ્રેમ આપવામાં ? પ્રિન્સની ભૂલ હોવા છતાં પણ હંમેશા હું ડૉલીને વઢતી. પ્રિન્સ માટે ક્યારેક એના પપ્પાની સાથે તો ક્યારેક ડૉલીની સાથે ઝઘડો કર્યો. પણ ક્યારેય પ્રિન્સને આંચ પણ આવવા દીધી નહી. એજ પ્રિન્સ જે મારી દરેક વાત માનતો હતો, ક્યારેય મારી સામું પણ બોલતો નહતો. તે આજે પોતાની પત્નીના કહ્યામાં આવીને મને વૃદ્ધાશ્રમમાં મોકલવાની વાતો કરી રહ્યો છે. તો વિચાર એ ખુશબૂ કેવી હશે ? વિચાર્યું હતું કે ખુશબૂના આવ્યા પછી ઘરની જવાબદારીઓમાંથી નિવૃત્ત થઈ જઈશ, પરંતુ આ ખુશબૂ તો મને ઘરમાંથી જ નિવૃત્ત કરવાની રાહ જુએ છે. માત્ર સાત દિવસોમાં એણે પોતાનો રંગ બતાવવાનું શરૂ કરી દીધું. હવે તું જ ખુશબૂને કંઈક સમજાવ જયણા.
જયણા : સુષમા ! જો એની કોઈ ભૂલ હોય, તો હું એને સમજાવું ને ? જ્યારે એની કોઈ ભૂલ જ નથી તો એને કંઈ કહીને શો ફાયદો ?
સુષમા ઃ શું ? આ શું કહે છે જયણા ? આટલું બધું સાંભળ્યા પછી તું એમ કહે છે કે ખુશબૂ નિર્દોષ છે ? જયણા ડૉલીના મામલામાં તો હું માનું છું કે મારા જ સંસ્કારોની ઉણપ હતી જેથી મારે આવા દિવસો
32
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |