________________
માફ કરી દો. હું સાત વ્યસનમાં ડુબેલો છું. પાપ નામ થી જણાય એવા દરેક કાર્યો, મેં મારા જીવનમાં કરી લીધા છે. મારી આ પરિસ્થિતિની જાણકારી તમને હોવા છતાં મને તિરસ્કારવાને બદલે તમે ભાવ-વિભોર થઈને મને ખાવાનું ખવડાવો છો. પણ તમે જ મને બતાવો કે હું આ ભોજન કેવી રીતે કરી શકું? તમારા વાત્સલ્યના પ્રભાવથી મારા દોષ આજે કંપી ઉઠ્યા છે. પહેલાં સૌપ્રથમ તમે મને સાત વ્યસનની જિંદગીભર પ્રતિજ્ઞા આપો. પછી જ હું કોળિયો ખાઈ શકીશ.” સાચે જ સાત વ્યસનનું જિંદગી ભર ત્યાગ કર્યા પછી જ એ યુવકે ભોજન કર્યું. કલ્પના કરો કે એ શ્રાવકે એ યુવકના પાપોને ધિક્કાર્યા હોત તો શું આ હૃદય પરિવર્તન થવું સંભવ હતું? સાધર્મિક ભક્તિએ એક મહાદુરાચારી જીવ ને પણ સાચા માર્ગે ચઢાવી દીધો, ફક્ત એનું જ નહીં પણ તેના આખા કુટુંબનું કલ્યાણ કરી દીધું.
આ પ્રસંગથી તમે સમજી ગયા હશો કે માત્ર જન્મથી જ જૈન એવા વ્યક્તિની કરેલી સાધર્મિકભક્તિ કેટલી લાભપ્રદ બની જાય છે. એટલે સમજવાની વાત તો એ છે કે સાધર્મિક ભક્તિ એટલે માત્ર તિલક કરવું અથવા પૈસા દેવા, એટલું જ નથી પરંતુ આપણા વાત્સલ્ય અને પ્રેમપૂર્ણ વ્યવહારથી સાધર્મિકને ધર્મમાં જોડવું અને એનાથી પાપ છોડાવવું એ પણ એક વિશિષ્ટ પ્રકારની સાધર્મિક ભક્તિ છે. કેમકે આ જિનશાસન સાધર્મિકોથી જ ચાલી રહ્યું છે અને ચાલશે. પછી આ સાધર્મિક જેવો પણ હોય અમીર હોય કે ગરીબ, ધર્મી હોય કે અધર્મી, વ્રતધારી હોય કે સાત વ્યસનોથી ભરેલો, આપણે એની ઉપેક્ષા ન કરીને બહુમાન ભાવથી એની ભક્તિ કરવી જોઈએ.
જો આપણે કોઈ પણ સાધર્મિકના દોષો અથવા કુકર્મોને જોઈને એના પ્રત્યે તિરસ્કાર ભાવ પેદા કરીએ તો એની આશાતના કરવાથી નિમ્ન દોષોની સંભાવના થાય છે.
૧. આપણે અધિક ધર્મ કરીએ છીએ અને સામેવાળી વ્યક્તિ ધર્મી નથી. તો આપણે એને તિરસ્કાર ભાવથી જોઈએ તો; આનાથી આ સાફ નક્કી થાય છે કે આપણને ધર્મ કરવાનો અહંકાર છે, અભિમાન છે.
૨. આનાથી પ્રભુના શાસનનું ગૂઢ મર્મ હાથથી ચાલ્યું જાય છે. ૩. અહંકારના કારણે, ધર્મ ક્રિયામાં દેખાવો વધશે. ૪. ભારે પાપ કર્મનું બંધ થશે. ૫. સાધર્મિકની અવહેલના કરવાથી એના ધર્મવિરોધી બનવાનું પાપ આપણા માથે ચઢશે.
આ દોષોને ટાળવા માટે હૃદયને વિશાળ બનાવીને સાધર્મિકોને પણ જો આપણે પ્રેમપૂર્વક હૃદયમાં સ્થાન આપીશું, તો એમના માં પણ શાસન પ્રતિ અહોભાવ જાગશે અને તમે અને એ બંને સુલભ બોધિ બનશો. અન્યથા ભવાંતરમાં બન્નેને જૈન ધર્મ મળવાની સંભાવના નહીં રહે. અતઃ