________________
સાધર્મિકના અવગુણોને અણદેવું કરીને માત્ર એના જૈન હોવાની વાતને ગાંઠ બાંધીને એમની ભક્તિ કરવી જોઈએ. સાધર્મિક ભક્તિ કેવી રીતે કરવી ? • પ્રત્યેક સાધર્મિક વ્યક્તિની દિલથી અનુમોદના કરવી અને એમનો ઉત્સાહ વધારવો.
જે સાધર્મિકોને ધર્મ કરવાની અનુકૂળતા ન હોય તેને અનુકૂળતા કરી આપવી. જેમની સ્થિતિ કમજોર હોય તેમનું બહુમાનપૂર્વક તિલક કરીને એમની આર્થિક સ્થિતિનું સમાધાન થઈ જાય એટલું પર્યાપ્ત ધન આપો અથવા એટલી શક્તિ ન હોય તો યથાશક્તિ ભક્તિ કરો. બની શકે ત્યાં સુધી સાધર્મિકને ગુપ્ત રીતિથી, એમના કહ્યા પહેલા જ એની માંગ પૂર્ણ કરવી. આ પ્રમાણે કરવાથી આપવાવાળાને અહંકાર નહી આવે અને લેવાવાળાને પણ શર્મ નહીં આવે. પ્રત્યેક ધનાઢ્ય વ્યક્તિ જો તેના ખોટા ખર્ચા બંધ કરીને એ પૈસા સાધર્મિક ભક્તિમાં લગાવી દે, તો કેટલાએ સાધર્મિકોનું ઉદ્ધાર થઈ જશે અને બીજું કંઈ નહી પણ માત્ર એના મોજશોખની દસ પ્રતિશત રકમ પણ સાધર્મિકોની જરૂરિયાતો પૂરી કરવા પર્યાપ્ત છે. પ્રત્યેક સંઘમાં આ વ્યવસ્થા હોવી જોઈએ કે સંઘનો એક ધનાઢ્ય શ્રાવક ઓછામાં ઓછા એક સાધર્મિકના ઘરને સંભાળવાની જવાબદારી લે. જેનાથી સાધર્મિકોના દેખરેખના પ્રશ્નનું સમાધાન થઈ જશે અને જિનશાસનની પ્રભાવનાનું પુણ્ય પણ પ્રાપ્ત થશે. સાધર્મિકોનો લાભ લેવા માટે સદૈવ પુરુષાર્થ કરવો. હંમેશા લાભ ન મળતો હોય તો ઓછામાં ઓછો વર્ષમાં એક વાર તો અવશ્ય શક્તિ પ્રમાણે સ્વામીવાત્સલ્ય અથવા તપસ્વિઓનાં પારણાનો લાભ, બહારગામથી આવવાવાળા સાધર્મિકોનો લાભ અથવા કોઈ ગુરુ ભગવંતોની સાથે આવવાવાળાનો લાભ લેવો. આ પણ ન થાય તો સ્વામીવાત્સલ્યમાં યથાશક્તિ પૈસા લખાવવા. જેનાથી સરળતાપૂર્વક કેટલાય સાધર્મિકોની ભક્તિનો લાભ મળી શકે. સ્વામીવાત્સલ્યમાં પોતાના હાથોથી સંઘના શ્રાવકોના પગ દૂધથી ધોઈને તિલક કરવું. તથા હાથ જોડીને બહુમાનપૂર્વક બેસાડીને ભોજન કરાવવું.
લાભ આપવાવાળા શ્રાવક-શ્રાવિકાઓ પણ નિમ્ન વાતોનું ધ્યાન રાખે. જેથી લાભાર્થીની સાથે તે પણ પુણ્યનું ઉપાર્જન કરી શકે.