Page Text
________________
એક વાત હંમેશા ધ્યાનમાં રાખવી જોઈએ કે “કોઈને ધિક્કારીને જીતવું એની જગ્યાએ પ્રેમ અને વાત્સલ્યથી હારી જવું હજાર ગણું સારું છે.”દુરાચારી બનેલા જૈન સાધર્મિકને તમે પ્રેમ, આદર સહિત પ્રોત્સાહન આપો તો તેની અંદર રહેલા દોષ એક દિવસ તમારા પ્રેમના કારણે ગુણમાં પરિવર્તિત થઈ જશે.
એક સાચી ઘટના - પોતાના ધંધા માટે રાજકોટ જઈ રહેલા જૈન યુવકને એક ગુરુ ભગવંતે ત્યાં બિરાજેલા આચાર્ય મ.સા.ને આપવા માટે એક પત્ર આપ્યો. ધર્મથી અનભિજ્ઞ યુવકે રાજકોટ જઈને ત્યાં ચાતુર્માસ હેતુ બિરાજેલા આચાર્ય ભગવંતને પ્રણામ કરીને પત્ર આપ્યો. એ સમયે બહારગામથી આવેલા સાધર્મિકને જોઈને ત્યાંના સ્થાનિક શ્રાવકના દિલમાં સાધર્મિક પ્રતિ વાત્સલ્ય પ્રેમ ઉભરાઈ આવ્યો. એમને યુવકને એમના ઘરે ભોજન માટે આમંત્રણ આપ્યું. આગંતુક યુવાન કોઈ પણ પ્રકારે આમંત્રણને સ્વીકારવા માટે તૈયાર ન હતો. બન્નેની વચ્ચે ઘણી આનાકાની (મહેમાનગીરી) ચાલી. છેલ્લે આગંતુક યુવકે કહ્યું કે, “તમે જેવો સમજો છો તેવો હું નથી. મારા જીવનમાં ધર્મનું કોઈ ઠેકાણું નથી. તમે મહેરબાની કરીને ઘરે લઈ જવાનો આગ્રહ છોડી દો.”
પરંતુ શ્રાવકે એક જ વાત કરી - “તમે કોણ છો? કેવું જીવન જીવો છો? શું કરો છો? એનાથી મને કોઈ મતલબ નથી. પરંતુ તમે મારા ગુરુ મહારાજને પ્રણામ કર્યા છે. તો તમે મારા સાધર્મિક છો. એનાથી વધારે મહત્વની વાત મારા માટે શું હોઈ શકે. બસ, હવે તમારે આવવું જ પડશે.”
છેલ્લે શેઠના આગ્રહને આગળ હારીને આગંતુક યુવક તેમની સાથે જવા માટે તૈયાર થઈ ગયો. ઘરે પહોંચીને એ શ્રાવકે એની ધર્મપત્નીને કહ્યું – “મગની દાળનો શીરો, ભજીયા વગેરે ભોજન તૈયાર કર, મહાપુણ્યોદયથી સાધર્મિક ભાઈ આપણા આંગણે પધાર્યા છે.” આટલું સાંભળીને આગંતુક ભાઈએ કહ્યું – “અરે ભાઈ તમારી ધારણા ખોટી છે. તમે મને છોડી દો. હું તો પાપી છું. માત્ર જન્મનો જ જૈન છું.'પણ એની વાતને ધ્યાન પર ન લઈને એ શ્રાવકે યુવકને ભોજન કરવા માટે બેસાડી દીધો. તત્પશ્ચાત્ શ્રાવક અને એમની પત્ની ભાવ-વિભોર થઈને ગરમા-ગરમ શીરો પીરસવા લાગ્યા. તથા પુણ્યોદયથી મળેલા સાધર્મિક ભાઈનો પૂરો લાભ લેવા લાગ્યા.
આ બધું જોઈને આગંતુક યુવકની આંખો છલકાઈ ગઈ અને તે જોર-જોરથી રડવા લાગ્યો., યુવકને આ રીતે રડતો જોઈને શ્રાવક વિચારમાં પડી ગયા. એમણે એ યુવકને રોવાનું કારણ પૂછ્યું? ત્યારે તે યુવક બહુ મુશ્કેલીથી પોતાના આંસુઓ રોકીને ધીમે-ધીમે બોલવા લાગ્યો. “ભાઈ ! મને
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |