________________
પાસે ગયા. અર્જુનમાલી એક અને સામે છઃ વ્યક્તિ હતા. એ એકલો કંઈ પણ કરવાની સ્થિતિમાં નહોતો. તેઓએ મળીને અર્જુનમાલીને સ્તંભથી બાંધી દીધો અને એની સામે જ બંધુમતિની સાથે કુચેષ્ટા કરવા લાગ્યા. આ દેખીને અર્જુનમાલી ગુસ્સામાં આવીને યક્ષને ધિક્કારવા લાગ્યો કે ‘સાચે જ તમે પથ્થરના બનેલા લાગો છો. અન્યથા તમારા જ સ્થાન ઉપર થઈ રહેલા અનર્થને કેવી રીતે દેખી શકો છો ? આજ સુધી તમારી આટલી ભક્તિ કરી તેનું આ જ ફળ ?’’ સંયોગવશ એ દેવે અવધિજ્ઞાનથી બધી સ્થિતિ જાણી લીધી. યક્ષે ગુસ્સે થયેલા અર્જુનમાલીના શરીરમાં પ્રવેશ કર્યો. યક્ષના બળથી અર્જુનમાલીએ બધા બંધન તોડી દીધા અને યક્ષની મૂર્તિના હાથથી મુદ્ગર લઈને ક્રોધાવેશમાં આવીને એ છઃઓને અને સાથે બંધુમતિને પણ મારી નાંખી. એનો ગુસ્સો એટલા હદ સુધી વધી ગયો કે એ જ વખતે પ્રતિજ્ઞા લીધી કે ‘‘જ્યાં સુધી હું એક દિવસમાં છઃપુરુષો અને એક સ્ત્રીને મોતને ઘાટ નહીં ઉતારું ત્યાં સુધી ચેનથી બેસીશ નહી.’’ અને હવે એ રોજ સાત લોકોને મારવા લાગ્યો. એનાથી આખી નગરીમાં હાહાકાર મચી ગયો. નગરવાસી જ્યાં સુધી સાત લોકોને મરી જવાની ખબર સાંભળતા ન હતા ત્યાં સુધી ઘરની બહાર નીકળતા ન હતા. આ ક્રમ છ મહિના સુધી ચાલતો રહ્યો.
એક દિવસ પ્રભુ મહાવીર સ્વામી રાજગૃહી ઉદ્યાનમાં પધાર્યા. રાજગૃહી નગરના સમ્યક્ત્વી શ્રાવક શ્રેષ્ઠી સુદર્શનને પ્રભુદર્શન કરવાની તીવ્ર ઇચ્છા થઈ. બધાએ ના પાડી છતાંએ એ નિડર થઈને પ૨માત્માના દર્શનાર્થે નીકળી પડ્યા. રસ્તામાં શિકાર જોઈને અર્જુનમાલી ગુસ્સાથી લાલ બનીને એને મારવા માટે દોડ્યો. એણે પોતાની તરફ આવતા જોઈને શેઠ તરત જ કાઉસ્સગ્ગ ધ્યાનમાં ઊભા થઈ ગયા અને જ્યાં સુધી ઉપસર્ગ ન ટળે ત્યાં સુધી ચારે આહારનો ત્યાગ કરી દીધો. અર્જુનમાલી એમની પાસે આવ્યો. પરંતુ શ્રમણોપાસક, શ્રેષ્ઠિવર્ય સુદર્શનના કાઉસ્સગ્ગ ધ્યાનના પ્રભાવથી હિંસક યક્ષ અર્જુનમાલીનો દેહ છોડીને ભાગી ગયો.
અર્જુનમાલી બેહોશ થઈને નીચે પડ્યો. થોડા સમય પછી એને હોંશ આવ્યો. તે સુદર્શન શ્રેષ્ઠીના પગમાં પડ્યો. અને શ્રેષ્ઠીને પૂછ્યું ‘‘તમે કોણ છો ? અને ક્યાં જાઓ છો ?'' ત્યારે શેઠે જવાબ આપ્યો. ‘‘હું પ્રભુ વીરનો શ્રાવક છું. સમીપના ઉદ્યાનમાં વીર પ્રભુ પધાર્યા છે. હું એમના દર્શન માટે જઈ રહ્યો છું. તમે પણ મારી સાથે ચાલો તથા પ્રભુ દર્શનથી આત્માને પાવન બનાવો.'' અર્જુનમાલીને પોતાના કરેલા કુકાર્યોનો પશ્ચાતાપ થવા લાગ્યો. તે પ્રભુના દર્શનાર્થે ગયો. ત્યાં પ્રભુની દેશના સાંભળીને એમનું અંતઃકરણ વૈરાગ્યથી વાસિત થઈ ગયું. એમને પરમાત્માનાં ચરણોમાં સંયમ અંગીકાર કરીને એજ સમયે પોતાના જીવનમાં કરેલા ઘોરાતિઘોર પાપોને પ્રભુ સમક્ષ પ્રગટ કર્યા. પોતાના કુકાર્યોના પ્રાયશ્ચિતના રૂપમાં જીવન પર્યંત છટ્ઠના પારણે છઠ્ઠ કરવાની પ્રતિજ્ઞા લીધી.
100