________________
એણે ઉદાની પરિસ્થિતિને જાણી લીધી. જ્યારે ઉદા કુટુંબ સાથે મંદિરની બહાર નીકળ્યા ત્યારે હસુમતિ એમની પાસે ગઈ અને એમણે ભોજનનું આમંત્રણ આપીને બધાને ઘરે લઈ આવી. સત્કારપૂર્વક એ કુટુંબની સાધર્મિક ભક્તિ કરી ને એમને પહેરામણી આપી. હસુમતિબહેને પૂછ્યું -
ભાઈ ! નિસંકોચ થઈને મને બતાવો કે તમે લોકો આ નગરમાં ક્યાં રહેશો અને શું કરશો?” ઉદાએ જવાબ આપ્યો - “અત્યારે મારા હાથમાં થોડી રકમ છે. હું વણિક પુત્ર છું. શું ધંધો કરવો અને કેવી રીતે પૈસા કમાવવા એની બુદ્ધિ મારી પાસે છે. હવે સવાલ માત્ર રહેવાનો છે. ભગવાનની કૃપાથી રહેવા માટે એક છત મળી જાય તો સારું.” ત્યારે હસુમતિએ પોતાનું એક નાનું ઘર અને રહેવા માટે આપ્યું. ત્યારે ઉદાએ આગ્રહ કરીને ઘરનું ભાડું નક્કી કર્યું.
ઉદાના ભાગે સાથ આપ્યો અને વેપારથી એણે સારા પૈસા કમાવ્યા. કેટલાક સમય પછી એણે હસુમતિનો ઘર ખરીદવાની વાત કરી. હસુમતિ માટે તો સાધર્મિક ભક્તિનો સુનહરો અવસર હતો. એ માટે એણે ઓછા પૈસામાં ઉદાને ઘર વહેંચી દીધું. બીજા દિવસે ઉદાએ ઘરને નવ નિર્માણ કરવાના હેતુથી ઘરને તોડાવવાનું શરૂ કર્યું. ખોદતા સમયે એક સોનાનો ચરુ બહાર નીકળ્યો. ચરુ. લઈને ઉદા હસુમતિને ઘરે ગયો અને ચરુ હસુમતિને સોંપવા લાગ્યો. પરંતુ હસુમતિએ લેવાની ના પાડી. એણે કહ્યું કે “મેં ઘર વહેંચી દીધું છે. હવે આ ઘર ઉપર અને ચરુ બંને ઉપર મારી માલિકી નથી રહી. જો આ મારા કિસ્મતમાં હોત તો વર્ષો થી આ ઘર મારી પાસે જ હતું તો મને પહેલાથી જ મળી જાત. પણ તમારા ઘર ખરીદ્યા પછી જ આ બહાર આવ્યું છે. એટલે આ તમારું જ છે.” પરંતુ ઉદાને હરામ ની વસ્તુ લેવાનું ક્યારેય પસંદ ન હતો.
એણે સિદ્ધરાજ જયસિંહ રાજાના દરબારમાં જઈને શિકાયત કરી. રાજાએ બંને પક્ષોની વાત સાંભળીને ચરુના માલિક ઉદાને કહ્યું. આ ન્યાય સાંભળીને હસુમતિ બહુજ આનંદિત થઈ. પરંતુ ઉદાને આ ચરુ હરામ ની વસ્તુ લાગવાથી એણે આ ધનથી જિનમંદિર બનાવવાનો નિર્ણય કર્યો. અને બીજા જ દિવસે શિખરબંધી જિનાલય બનાવવાનું કાર્ય શરૂ થઈ ગયું. ચરુની બધી સંપત્તિ જિનાલયમાં લગાવી દીધી. જ્યારે સિદ્ધરાજ જયસિંહને આ વાતની ખબર પડી તો એણે ઉદાની ઉદારતાથી પ્રભાવિત થઈને ઉદાને મંત્રી પદ ઉપર નિયુક્ત કર્યો. ઉદા હવે ઉદાયન મંત્રી બની ગયા. એ જિનના ભક્ત, ગુરુના દાસ, સાધર્મિકના પ્રેમી અને જિન ધર્મના વફાદાર સેવક બન્યા.
એ જ સમયે પૂજયપાદ દેવચન્દ્રસૂરિશ્વરજી મહારાજા એ સમયના સનાતન ધર્મિઓ તરફથી જૈન ધર્મ પર આવી રહેલા આક્ષેપો અને આક્રમણથી વ્યથિત હતા. એક રાત્રે શાસનદેવીએ સ્વપ્નમાં