Page Text
________________
આવીને કહ્યું કે “ધંધુકામાં ચાચિંગ નામના અજૈન વણિક અને પાહિની નામની જૈન માતાના પુત્ર ચાંગાને જૈન દીક્ષા આપવાની પ્રેરણા કરો. તમારી બધી મનોવ્યથાનો અંત આ ચાંગા કરશે.” આ સ્વ. ના અનુસાર સૂરિજી ધંધુકા જઈને પિતાની ગેરહાજરીમાં માતાની હર્ષપૂર્ણ સંમતિથી ચાંગાને વહોરીને ખંભાત આવી ગયા. ઘરે આવીને જ્યારે ચાચિંગને આ વાતની ખબર પડી ત્યારે તે બહુ જ ક્રોધિત થયો અને પુત્રને પાછો લાવવા માટે ખંભાત આવ્યો.
' સૂરિજીને જ્યારે આ વાતની ખબર પડી ત્યારે એમણે મહામંત્રી ઉદાયનને બધી વાતથી અવગત કરાવ્યો. ઉદાયન મંત્રીએ એમને આશ્વાસન આપ્યું કે તમે ચિંતા ન કરો. હું બધું જ સંભાળી લઈશ. જેવો જ ચાચિંગ ઉપાશ્રય પહોંચ્યો કે તરત જ ઉદાયન મંત્રીના સેવકે એમને ભોજન માટે ઘરે લઈ ગયા. એ સમયે ચાંગા મંત્રીશ્વરના ઘરે જ રમી રહ્યો હતો. પિતાને જોઈને ચાંગા એના પિતાને ચોંટી ગયો. જાતે જ ઉદાયન મંત્રીએ એમને ભોજન કરાવ્યું. ભોજનના પછી મંત્રીશ્વરે પહેરામણી ના રુપમાં ચાર્જિંગની આગળ એક જોડી ધોતી અને ત્રણ લાખ સોનામહોર રાખી. તત્પશ્ચાતુ પોતાના બે યુવાન પુત્રોને પણ બોલાવ્યા. મંત્રીશ્વરે ચાર્જિંગને કહ્યું “ભાઈ ! અમારા સમગ્ર જૈન સંઘમાં અત્યંત આદરણીય એવા પ્રિય ગુરુદેવ શ્રી દેવચન્દ્રસૂરીજીને દેવીના પાસેથી તમારા લાડલા પુત્ર ચાંગાને અતિભવ્ય ભાવના માટે આગાહી પ્રાપ્ત થઈ છે. તમારો આ ચાંગો અમારા જિન શાસનના ગગનનો ચાંદ બનવાનો છે. મને ખબર છે કે આપને આપનો પુત્ર બહુ જ પ્રિય છે. તો પણ હું સમસ્ત જૈન સંઘ તરફથી વિનંતી કરું છું કે, અમારા ગુરુદેવશ્રીની ઇચ્છાને તમે પૂરી કરો. હું તમને અતિથિ સત્કારમાં પહેરામણીના રૂપમાં એક જોડી ધોતી અને ત્રણ લાખ સોનામહોરો અર્પણ કરું છું. સાથે જ મારા આ બે જુવાન પુત્રો જે વેપારના ખિલાડી છે એમને પણ તમને અર્પણ કરું છું. તમે મને અતિ હર્ષપૂર્વક તમારા લાડલા પુત્રને સમર્પિત કરો.” ઉદાયન મંત્રીની વાતો સાંભળીને ચાચિંગ ગદ્ગદ્ થઈ ગયો અને કહેવા લાગ્યો, “મંત્રીશ્વર બસ કરો, તમારે આગળ કાંઈ જ કહેવાની આવશ્યક્તા નથી. મે મારો આ પુત્ર તમને સોંપી દીધો. મારો પુત્ર જિનશાનનો ચમકતો સિતારો બનશે. આવું સદ્ભાગ્ય મારા રંકની લલાટ પર ક્યાંથી...? તમે ખુશીથી એનો સ્વીકાર કરો અને તમારા પ્રેમના પ્રતીક રૂપમાં આ એક ધોતીની પહેરામણી હું સ્વીકાર કરું છું.”
તત્પશ્ચાત્ ઉલ્લાસપૂર્વક ચાંગાની દીક્ષા થઈ. એમનું “સોમચન્દ્ર વિજયજી' નામકરણ થયું. આ મુનિરાજ જ ભવિષ્યમાં કલિકાલ સર્વજ્ઞ આચાર્યદવ હેમચન્દ્રાચાર્ય બન્યા. આમની નિશ્રામાં જ પરમાતું ગુજરેશ્વર કુમારપાળ રાજાએ જૈન શાસનમાં અમારિ પ્રવર્તનનો ડંકો વગાડ્યો હતો. આ મહાન આત્માઓનાં મિલનમાં કારણભૂત હસુમતિબહેનની સાધર્મિક ભક્તિ જ હતી. જૈન ધર્મના તમામ અંગોને મજબૂત કરે છે - સાધર્મિક ભક્તિ.
કડક
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |