Jainism Course Part 02

SR No.: 006048
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 198
Language: Gujarati
Classification: Book_Gujarati
File Size: 10 MB

Page 92

ડૉલીઃ સમીર ! તમે તો સમજો મારી હાલત... સમીરઃ ચુપ રહે ડૉલી! બહું જોઈ લીધું તારું નાટક. (બિચારી ડૉલી ! ઘરે ક્યારેય પોતાના હાથે પાણીનો ગ્લાસ પણ ભર્યો નથી, જેને ઘરમાં રાણીની જેમ રાખી હતી, આજે એની સાથે કામ કરવાવાળી નોકરાણી જેવું વર્તન થઈ રહ્યું છે. ડૉલીને હવે મહેસૂસ થવા લાગ્યું કે આ બધો પૈસાનો ખેલ હતો અને આ ખેલને રમવા માટે સમીરે તેને ફુટબોલની જેમ તેનો ઉપયોગ કર્યો. પૈસા હતા ત્યાં સુધી પ્રેમ હતો. પૈસા પૂરા થયા અને પ્રેમ ખતમ અને એટલે કદાચ સમીર વારે વારે મને પિયરથી પૈસા લાવવા માટે ફોર્સ કરી રહ્યો છે.
આ પ્રમાણે રોજેરોજની ઝંઝટથી થાકીને ડૉલીએ વિચાર્યું કે “જો હું માતા-પિતાની ઈચ્છાથી જ લગ્ન કરત અને સાસરે ગયા પછી પૈસા મંગાવત તો તેઓ મને જરૂર પૈસા મોકલત. એટલે કે હજુ પણ એમના પૈસા પર મારો પૂરો અધિકાર છે અને ન પણ હોય તો આખરે તેઓ મારા મા-બાપ છે. મારી ખરાબ પરિસ્થિતિ જોઈને તેમનું દિલ પિઘળી જ જશે અને તેઓ જરૂર મારી મદદ કરશે. હવે થોડા દિવસોમાં ડિલેવરી આવશે તો બાળકની પરવરિશ માટે પૈસાની જરૂર તો પડશે જ. રોજે રોજની આ ઝંઝટથી તો સારું છે કે એક વાર મમ્મીને ફોન લગાવી જ દઉં. કમ સે કમ એનાથી સમીર અને મારી વચ્ચેના સંબંધો તો સુધરી જશે.”
આવું વિચારીને ડૉલીએ ફોન ઉઠાવ્યો. જેની ખરાબ પરિસ્થિતિમાં ડૉલીનું દિલ પિઘળ્યું નહોતું, આજ પોતાની ખરાબ પરિસ્થિતિમાં ડૉલી એજ લોકોનું દિલ પિઘળવાની અપેક્ષા રાખી રહી હતી. બૈર હવે આગળ શું થાય છે? શું ડૉલી પોતાના ઘરે ફોન પર વાત કરશે? શું એના માતા-પિતા પૈસાથી એની મદદ કરશે? કે પછી ડૉલીને એની હાલતમાં રડતી છોડી દેશે? આ ફોન પછી શું ડૉલી અને સમીરના સંબંધોમાં મધુરતા આવી શકશે? કે પછી ડૉલીના જીવનમાં કંઈક બીજુ જ થશે? જોઈશું જૈનિજમના આગળના ભાગમાં.
(ડૉલીના ભાગી ગયા પછી એની સાથે વિદાય થયેલી પોતાના ઘરની ખુશીઓને પાછી લાવવા માટે સુષમાએ પોતાના દિકરા પ્રિન્સના લગ્ન કરાવ્યા. પોતાની દિકરી ડૉલીને તો વાસ્તવિક માં બની સંસ્કાર આપવાના વિષયમાં સુષમા માર ખાઈ ગઈ પરંતુ શું હવે તે પોતાની વહુ સાથે દિકરી જેવું વર્તન કરી શકે છે? કે પછી કંઈક બીજું જ થાય છે? જોઈએ જૈનિજમનો આગલો ભાગ “સાસુ બની મા”માં.
કે ઝેર બન્યું અમૃત છે જૈનિજમના પાછલા ભાગમાં આપણે જોયું કે જયણાએ પોતાની પુત્રીના જીવનને સંસ્કારિત બનાવવામાં કોઈ કમી નથી રાખી અને સારું પાત્ર જોઈને, સુયોગ્ય હિતશિક્ષા આપીને એને સાસરે વિદાય કરી. હવે આગળ...