Page Text
________________
રહ્યા હતા અને નોનવેજ ખાઈ લીધું હોત તો ક્યાંય મરી નહોતી જવાની?
ડૉલી : તારી હિંમત કેવી રીતે થઈ મને મારવાની. મારા મમ્મી-પપ્પાએ પણ આજ સુધી મારા પર ક્યારેય હાથ નથી ઉઠાવ્યો તો, તું કોણ છે મને મારવાવાળો ? કાશ્મીરમાં જ્યારે મેં તને નોનવેજ હોટલમાં ખાવા માટે કહ્યું હતું ત્યારે તે કેટલી મોટી મોટી વાતો કરી હતી. એ બધાનું શું થયું ? તે કોલેજમાં મને જે વાયદો કર્યો હતો કે તું ક્યારેય નોનવેજ નહીં ખાય. શું થયું તારા એ વાયદાનું ? સમીર : ભાડમાં ગયો તારો વાયદો. તંગ આવી ગયો છું હું તારાથી અને તારા વાયદાઓથી.
(બિચારી ડૉલીએ આજ સુધી જેણે ક્યારેય પોતાના માતા-પિતાની પણ થપ્પડ ખાધી ન હતી. માતા-પિતાએ જેણે લાડ-પ્યારથી મોટી કરી હતી એ ડૉલીને આજે એના સાચા પ્યારે જ એને થપ્પડ ખાવા માટે મજબૂર કરી દીધી. એ રાત્રે ડૉલી બહું રડી પરંતુ સમીરે એની તરફ જોયું પણ નહીં.
ડૉલીએ વિચાર્યું કે લગ્ન પહેલા મારી આંખમાં એક આંસુ આવી જતા તો જે સમીરના દિલના ટૂકડે ટૂકડા થઈ જતા હતા, આજ એજ સમીર પોતે જ મારી આંખમાં આંસુ લાવવા મથી રહ્યો છે. દોસ્તોની સામે પોતાની બેઈજ્જતી થવાને કારણે સમીરે ડૉલીથી વાત નથી કરી અને ત્રણ દિવસ આમ જ વીતી ગયા. ત્રણ દિવસ પછી રાત્રે...)
સમીર : ડૉલી ! અમ્મીની તબિયત ઠીક નથી. માટે કાલે ૪ વાગ્યે ઉઠીને પાણી ભરી લેજે.
ડૉલી : સમીર ! ડૉક્ટરે મને વજન ઉંચકવાની ના પાડી છે.
સમીર : (ગુસ્સામાં) ડૉલી ! હું તને મારા ઘરમાં આરામ કરવા માટે નથી લાવ્યો. સાસરે આવીને બે વર્ષ થઈ ગયા પણ તે હજુ સુધી ઘરનું કોઈ કામ કર્યું નથી. આ તો મારી અમ્મીનું દિલ બહું મોટું છે માટે તને કશું કહેતી નથી. હવે આ બધા નાટક નહીં ચાલે. કાલે ઉઠીને ડૉક્ટર તો તને બેડરેસ્ટનું પણ કહી દેશે. અને તું બેડરેસ્ટ કરીશ તો તારી સેવા કોણ ક૨શે ? હવે ઘરનું બધુ જ કામ તારે ક૨વાનું છે. અમ્મી ક્યાં સુધી કામ કરશે ?
(એ સમયે સમીરની અમ્મી ત્યાં આવી)
શબાના ઃ તું એકદમ સાચું કહે છે બેટા. મહારાણીને તો માત્ર ત્રણ કામ જ સારા લાગે છે. ખાવું, ફરવું અને સૂવું, બીજુ કામ તો મહારાણીથી થતું જ નથી. કોઈ કામ કરવાનું કહીએ તો ડૉક્ટર અને પોતાના બાળકનું બહાનું બનાવી દે છે અને બેસી રહે છે. એ તો આ ઘરમાં આવી છે માટે અત્યાર સુધી સંભાળી લીધું. ક્યાંક બીજે ગઈ હોત તો મારી મારીને ઘરેથી કાઢી દીધી હોત.
75
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |