Page Text
________________
શાસનના અનુરાગી દેવ જ શાસનસેવાથી અથવા વિમાનના મંદિરમાં પ્રભુભક્તિથી અલ્પનિર્જરા કરી ફરીથી મનુષ્ય ગતિમાં જન્મ લઈ ઉત્તમ ચારિત્ર પ્રાપ્ત કરે છે.
મનુષ્યગતિ - આ પુણ્ય-પાપ ઉપાર્જન કરવા તેમજ વિપુલ કર્મ નિર્જરા કરવા તથા મોક્ષમાં જવાનું ઉત્તમ સ્થાન છે. આ મનુષ્યગતિમાં વ્યક્તિને પોતપોતાના કર્મ અનુસાર ભોગ સામગ્રી તેમજ ધર્મસામગ્રી બધુ જ સુલભ છે. ભોગ સામગ્રીનો ઉપયોગ નરક-તિર્યંચ ગતિમાં લઈ જાય છે અને ધર્મસામગ્રીના ઉપયોગથી જીવ મોક્ષને લાયક બને છે. તેથી શ્રેષ્ઠ તો મનુષ્ય ગતિ જ છે.
હવે આપણે જોવાનું છે કે મનુષ્યગતિમાં એવું કયું સ્થાન છે કે જ્યાં જવાથી આપણે શાશ્વત સુખને મેળવી શકીએ? તો આનો જવાબ છે મહાવિદેહ ક્ષેત્રમાં. જ્યાં સીમંધર સ્વામી ભગવાન વિચરી રહ્યા છે તે શ્રેષ્ઠ સ્થાન છે. જે પ્રમાણે ૨૫૩૪ વર્ષ પહેલા ભગવાન મહાવીરે ભરત ક્ષેત્રમાં સાક્ષાત્ વિચરીને પોતાના અતિશયથી જીવોને મોક્ષગામી બનાવ્યા. તે પ્રમાણે વર્તમાનકાળમાં મહાવિદેહ ક્ષેત્રમાં સીમંધર સ્વામી ભગવાન વિચરી રહ્યા છે. આપણે આ શરીરથી તો ત્યાં નથી જઈ શકતા. પરંતુ જો આપણે અહીયાં લક્ષ્ય બનાવીને થોડો પુરુષાર્થ કરીએ તો આવતા ભવમાં ત્યાં જઈ શકીએ, જ્યાં સાક્ષાત્ સીમંધર સ્વામી વિચરી રહ્યા છે. તેમના સમવસરણના એવા અતિશય હોય છે કે તેમના સાનિધ્યમાં જવા માત્રથી આપણા કષાય શાંત થઈ જાય છે. તેમજ પરમાત્માની કૃપાથી જ આપણુ મોક્ષની તરફ ગમન સહજ બની જાય છે. આ પ્રમાણે આપણને ભવભ્રમણ તેમજ જન્મમરણના દુઃખોથી હંમેશા માટે મુક્તિ મળી જાય છે.
તો તમે બધા તૈયાર છો ને? “મહાવિદેહ ક્ષેત્રમાં સીમંધર સ્વામિની પાસે જવા માટે” જો હા ! તો આજથી જ તમે એક નાનો પ્રયાસ શરૂ કરી દો. ૧. આ પુસ્તકની સાથે પ્રભુના સમવસરણ તેમજ વિચરી રહેલા ભગવાનનો લેમિનેટેડ ફોટો તમને આપવામાં આવે છે. તેને એક ટેબલ ઉપર રાખીને તેના નીચે લખેલા “એક જ અરમાન છે અમને સમવસરણમાં સર્વ વિરતી મળે”. આ મંત્રને બોલતાં રોજ કમ થી કમ ૨૭ પ્રદક્ષિણા આપવી.
આ પ્રમાણે રોજ પ્રદક્ષિણા લગાવવાથી લગભગ દોઢ વર્ષમાં ૧૨,૫૦૦ (બાર હજાર પાંચસો) પ્રદક્ષિણા પૂર્ણ થઈ જશે. આના પછી પણ જો થઈ શકે તો તમે જીવનના અંત સુધી પ્રદક્ષિણા ચાલુ રાખો અને ન થાય તો કમ થી કમ ૨૭ વખત આ મંત્રનો જાપ કરો. જેથી તમારા હૃદયમાં (અનાહત ચક્રમાં) એક લક્ષ્ય બની જશે કે મારી એક માત્ર આ જ ઈચ્છા છે કે મને સીમંધર સ્વામી ભગવાનના સમવસરણમાં સર્વવિરતિ (દીક્ષા) મળે. આ ક્રિયાથી પ્રતિદિન તમારી આત્મામાં નિર્મળતા વધતી જશે.
(56)
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |