Jainism Course Part 02

SR No.: 006048
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 198
Language: Gujarati
Classification: Book_Gujarati
File Size: 10 MB

Page 71

૨. સાથે જ તમે સવારે જ્યારે પણ ઉઠો સૌ પ્રથમ આઠ નવકારમંત્ર ગણીને અત્યંત ભાવપૂર્વક ત્રણ વખત આ બે લાઈન ગાવી. પહેલો મંત્ર - “સીમંધર સ્વામીની પાસે અમારે જાવું છે,
સંયમ લઈને કેવલ લઈને, મોક્ષ અમારે જાવું છે...” રાત્રિના શાંત વાતાવરણના કારણે આપણું મસ્તિષ્ક શાંત હોવાથી પ્રાતઃ કાળે બોલેલી આ પંક્તિ તમારા મનમંદિરમાં પ્રભુને લઈ આવશે. તેમજ આ ભવમાં પણ સંયમ, કેવલજ્ઞાન અને મોક્ષની ભાવના આવી જવાથી આત્મ કલ્યાણ નિશ્ચિત થઈ જશે. પ્ર. શું આટલી નાની ક્રિયા આપણને પ્રભુની પાસે જન્મ આપી શકે છે? ઉ. જરૂર આપી શકે છે પરંતુ તેમાં રોજે રોજ સાતત્ય હોવું જરૂરી છે. ઠીક છે ! ક્યારેક કોઈ કારણવશ અથવા બીજે ગામ ગયા હોય ત્યારે ભૂલથી કાર્ડન લઈ ગયા હોય અને પ્રદક્ષિણા રહી જાય તો બીજા દિવસે ડબલ પ્રદક્ષિણા આપી દો, પરંતુ તમારે જીવનના અંત સુધી આ પ્રક્રિયા કરવાની રહેશે.
પ્રતિદિન આ પ્રક્રિયાથી આત્મામાં એક ભાવ બની જાય છે કે “મારે સીમંધર સ્વામીની પાસે જાવું છે”. આનાથી અંત ઘડી નજીક આવી જાય તો પણ જીવને આર્તધ્યાન નહીં થાય. કેમ કે એ સમયે પણ તેને એ યાદ રહેશે કે મારે તો સીમંધર સ્વામીની પાસે જવું છે... અને આ યાદ આવવાથી એને મરવાનો કોઈ અફસોસ રહેશે નહીં.
ઝૂંપડીમાંથી બંગલામાં જવા વાળાને દુઃખ કઈ વાતનું? અને જેને અંત સમયે ભગવાન યાદ આવી જાય તેની સદ્ગતિ નિશ્ચિત છે. આ પ્રમાણે આ નાનકડી પ્રક્રિયા પણ તમને સીમંધર સ્વામી ભગવાનની પાસે લઈ જઈ શકે છે.
હવે જ્યારે જ્યારે તમે આ પ્રદક્ષિણામાં જોડાઓ, તમારા મનમાં શુભ ભાવ વધારે વધતા જશે. ત્યારે તમે નીચેના બે મંત્રો બીજા જોડી દો. (આ મંત્રનો જાપ દિવસમાં ૨૭ વાર કરો.) બીજ મંત્ર - “અણુ-પરમાણું શિવ બની જાઓ,
આખા વિશ્વનું મંગલ થાઓ,
સર્વે જીવો મોક્ષે જાઓ.” ભારતીય સંસ્કૃતિ અધ્યાત્મ પ્રધાન હતી. તે વર્તમાનમાં પાશ્ચાત્ય હોવાને કારણે લુપ્ત થતી જાય છે. તેમજ વ્યક્તિ ભૌતિક સાધનોમાં ઉલઝતો જાય છે. હિંસા પ્રધાન સુખ સુવિધાના સાધન વાતાવરણને દૂષિત બનાવે છે. બાહ્ય સ્તરમાં વ્યક્તિ ભલે ને કેટલાંય સુખી કેમ ન દેખાય, પરંતુ આંતરિક સ્થિતિ એટલી જ અશાંત બનતી જાય છે; આ અશાંતતાનું મુખ્ય કારણ છે દૂષિત વાતાવરણ. “અણુ