Page Text
________________
ઘરમાં પ્રવેશ કરી લે અને તારા શીલ પર આક્રમણ કરે, ત્યારે તે સમયે તારા શીલની રક્ષા કરવાવાળું કોણ ? સ્વતંત્ર પરિવારમાં ક્યારેક તારે પીયર આવવું હોય ત્યારે પીયર આવ્યા પછી પણ પાછળથી કેટલું ટેન્શન રહેશે કે વિવેક ક્યાં જમશે ? વિવેકના કપડા કોણ ધોશે ? વિવેક એકલા કેવી રીતે રહેશે ? આવામાં એમ.સી.નું પાલન પણ કેટલું દુષ્કર થઈ જશે ? ચાલ આ બધુ તો છોડ પરંતુ એક ખાસ વાત, પીયર આવ્યા પછી તારી ગેરહાજરીમાં વિવેક કોઈ ખોટું કામ કરી બેસે તો તેની જવાબદારી કોની ? અને એટલું જ નહીંવિવેકની ગેરહાજરીમાં તું પણ કોઈ ખોટું કામ કરી બેસે તો ? સ્વતંત્ર અને એકલા હોવાને કારણે તને ત્યાં રોકવાવાળું કોઈ નહીં હોય.
આ તો થઈ શીલ તેમજ સદાચાર-સંબંધી વાતો. પરંતુ કોઈ કારણે તમારા બંને વચ્ચે ઝઘડો થઈ જાય તો આવેશમાં આવીને વિવેક તારા ઉપર હાથ પણ ઉઠાવી દે. તું પણ ગુસ્સામાં આવીને કંઈ અનુચીત કરી બેસે તો ત્યાં તને રોકવાવાળું કોણ ? સંયુક્ત પરિવારમાં તો સાસુ-સસરાનો ડર હોવાને કારણે આ ઝઘડો રૂમ સુધી જ સીમિત રહે છે. પરંતુ સ્વતંત્ર પરિવારમાં એ ઝઘડા આત્મહત્યા સુધી પહોંચી જાય છે. કદાચ તને મારી વાત પર વિશ્વાસ નહી થતો હોય, પરંતુ આ બધુ સંભવ છે. ખબર છે - પાછલા અઠવાડિયે જ આપણા બાજુના મહોલ્લામાં એક કરૂણ ઘટના બની. લગભગ ૨૦ વર્ષની એક વિવાહીત યુવતીએ પોતાના શરીર ઉપર કેરોસીન છાંટીને મરવાનો પ્રયાસ કર્યો. આ યુવતીએ આવું પગલું કેમ ભર્યું ? એ વિષયમાં ત્યાંના એક યુવક દ્વારા જ્યારે મેં જાણ્યું તો હું સ્તબ્ધ થઈ ગઈ. એ યુવતીએ પ્રેમ લગ્ન કર્યા હતા. સંયુક્ત પરિવારમાં રહેતા એણે ઝઘડો કરીને પતિને માંબાપની વિરુદ્ધ ભડકાવીને સંયુક્ત પરિવારથી અલગ કર્યો. શરૂઆતમાં બે વર્ષ તો ઠીક-ઠીક ગયા પરંતુ પછી બંનેની વચ્ચે ઝઘડા શરૂ થઈ ગયા. બોલાચાલી, ગાલી-ગલોચ, મારપીટ સુધી માંમલો પહોંચી ગયો. આખરે છૂટાછેડા સુધી વાત પહોંચી ગઈ અને એક દિવસ ઝઘડો એટલો વધી ગયો કે આવેશમાં આવીને પત્નીએ પોતાના શરીર ઉપર કેરોસીન નાખી દીધુ અને બળીને મરી ગઈ. જ્યારે હોસ્પિટલમાં છેલ્લા શ્વાસ લઈ રહી હતી ત્યારે દૂર રહેલા પોતાના પતિને કહેતી ગઈ કે “આ જન્મમાં તો તને જીવતો રાખીને હું બળી છું, પરંતુ આવતા જન્મમાં પોતે જીવતી રહીને તને બાળીશ.” બેટા ! આંખ મળી અને સંબંધ બંધાઈ તો ગયો, પણ આંખ બંધ થઈ ગયા પછી આગલા જન્મમાં આ સંબંધ ટકે નહીં એની ઘોષણા કરતી ગઈ. કેટલી કરૂણ છે આ ઘટના ! આ ઘટના એ સૂચિત કરે છે કે
આ રસ્તે પગલું ભરતાં પહેલા દરેક જુવાન દંપત્તિએ લાખ વાર વિચારી લેવું જોઈએ. મોક્ષા ! આવી કોઈ ઘટના ભવિષ્યમાં તારી સાથે ઘટી ન જાય. માટે પ્રતિકૂળતાઓને નજર અંદાજ કરીને કુશળતા તેમજ સહિષ્ણુતા આ બંને ગુણો દ્વારા પોતાના જીવનને સુરક્ષિત બનાવીને સંયુક્ત પરિવારમાં જ રહેવું એ તારા અને વિવેકના ભવિષ્ય માટે હિતકારી છે.
86
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |