Page Text
________________
ક્યારેય ખરાબ ભાવ કે દ્વેષ ભાવ નથી રાખ્યો. જેમણે મારા જીવનમાં દીપ જલાવીને પ્રકાશ આપ્યો તેમના જીવનમાં મેં ક્યારેય અંધકાર લાવવાની કોશીશ નથી કરી. પરંતુ માં એમણે મારી સાથે એવું જ વર્તન કર્યું છે જેના બદલામાં એમને પોતાના દિકરાથી અલગ થવું જ પડશે. જેવું એમણે કર્યું તેવુ એમણે ભોગવવું જ પડશે. જયણા મોક્ષા ! તારા જીવનમાં ભલે કેવા પણ દુઃખોનું તોફાન આવે પરંતુ એનો અર્થ એ નથી કે તારા દુઃખમાં જે પણ વ્યક્તિ નિમિત્ત રૂપ બન્યા હોય એ બધાને દુઃખી કરવા માટે તું કટિબદ્ધ બની જાય. તારા મનમાં ગલતફહેમીયોએ પોતાનો અડ્ડો જમાવી દીધો છે. દિમાગને ઠંડુ રાખે તો તારા બધા સમાધાન મળી જશે. મોક્ષા: માં કેવી રીતે રાખું મારા દિમાગને ઠંડું? વિદ્યાર્થીને તો માત્ર એક શિક્ષકની જ આજ્ઞા માનવાની હોય છે. દર્દીને માત્ર એક ડૉક્ટરની સલાહ અનુસાર જ ચાલવાનું હોય છે. એક ક્રિકેટરને માત્ર પોતાના ટીમ કોચની જ સલાહ માનવી પડે છે. પરંતુ એક વહુ બનીને આવેલી સ્ત્રીને માત્ર પતિના સ્વભાવ અનુસાર જ નહીં પરંતુ પરિવારના બધા સદસ્યોના સ્વભાવ મુજબ પોતાનો સ્વભાવ સેટ કરવાનો હોય છે. તમે જ બતાવો માં આ કેવી રીતે શક્ય બની શકે છે? જયણા: બેટા ! વિદ્યાર્થીને માત્ર એક શિક્ષકની જ નહી પરંતુ મોનીટરની આજ્ઞા પણ માનવી પડે છે. દર્દીને માત્ર એક ડૉક્ટરની જ નહીં, નર્સની સલાહ અનુસાર પણ ચાલવું પડે છે. એક ક્રિકેટરને પોતાના ટીમ કોચની જ નહી, પોતાની ટીમના કપ્તાનનું પણ માનવું પડે છે. ઠીક આ પ્રમાણે સાસરે જવા વાળી દિકરીને માત્ર પતિના જ નહી, ઘરના દરેક સદસ્યોના સ્વભાવ અનુસાર પોતાનો સ્વભાવ બદલવો જ પડે છે. મોક્ષાઃ તો આનો મતલબ એ થયો કે ભૂલ મારી જ છે. પરંતુ મમ્મી ! જ્યારે મેં પહેલી વખત સાસરે પગ મૂક્યો હતો ત્યારે આજ વિચાર્યું હતું કે બધાનું હૃદય જીતી લઉં. પ્રેમ આપીને ઘરનું વાતાવરણ બદલી નાખીશ. ભણવામાં નણંદ તેમજ દિયરની મદદ કરીશ. સાસુ-સસરાની મન મૂકીને સેવા કરીશ. ક્યારેય કોઈને ઠપકાનો મોકો જ નહી આપું. અને આ બધું કરવા માટે મેં રાત દિવસ એક કરી દીધા. પણ મા! મારી સાસુ અને નણંદને તો પોતાનામાં દીલચસ્પી છે. મારી તો એમને કંઈ પડી જ નથી. હવે તો મને એવું લાગે છે કે પાણી નાખવું છે તો વસ્ત્ર ઉપર નાખો જેનાથી વસ્ત્ર સાફ તો થઈ જશે, વૃક્ષ ઉપર નાખો જેથી તે નવપલ્લવિત તો થશે, પરંતુ પત્થર ઉપર નાખવાથી શો ફાયદો? એટલા માટે અમે અલગ રહેવાનો વિચાર કરી લીધો છે. જયણાઃ તારા વિચારોમાં કોઈ દમ નથી બેટા. આજે જે કામમાં તને જીતના દર્શન થઈ રહ્યા છે કાલ તે કાર્યમાં તને હાર મળે તો આજની એવી જીતથી સો ડગલાં દૂર રહેવું સારું છે. મોક્ષાઃ હું કશું સમજી નહીં માં. તમે કંઈ જીત અને હારની વાત કરી રહ્યા છો?
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |