________________
- અ આ સમયસાર દર્શન સમજવાની છે. વાત તો શાસ્ત્રમાં લખી છે પણ તેનો મર્મ જ્ઞાનીઓના હદયમાં હોય છે. એટલે અહીં જ્ઞાનીઓના સત્સમાગમની વિશેષ પ્રેરણા દેવામાં આવી છે. આનો તો આ જ આશય થયો કે ગુરૂ મુખથી આત્માની વાત સાંભળવી – સ્વરૂપની સમજણ કરવી અને આત્માનુભવ માટે આત્માનો પરિચય પ્રાપ્ત કરવો.
નિર્મળ ભેદજ્ઞાનરૂપ પ્રકાશથી સ્પષ્ટ ભિન્ન દેખવામાં આવે છે એવું આ ભિન્ન આત્માનું ભિન્નપણું જ સુલભ નથી. જુઓ, રાગથી ભિન્ન અને પરલક્ષી જ્ઞાનથી પણ ભિન્ન અને પોતાથી અભિન્ન એવા આત્માનું એકપણું, નિર્મળ ભેદજ્ઞાનરૂપ પ્રકાશથી સ્પષ્ટ ભિન્ન દેખવામાં આવે છે. જેમ પ્રકાશમાં જ ચીજ સ્પષ્ટ દેખાય, તેમ ભેદજ્ઞાન પ્રકાશમાં જ આત્મવસ્તુ સ્પષ્ટપણે ભિન્ન દેખાય છે. નિર્મળ ભેદજ્ઞાન પ્રકાશથી આત્માનું એકપણું સ્પષ્ટ દેખવું એ મુદ્દાની વાત છે, ભાઈ! બાકી દયા પાળો, ભક્તિ કરો, વ્રત કરો ઈત્યાદિ બધાં થોથા છે. આ બધામાં શુભરાગમાં ધર્મ માનીને રોકાઈ ગયો.
ભાઈ ! લોકો માને છે તેનાથી માર્ગ તદ્દન જુદો છે. સમ્યગ્દર્શન અને તેનો વિષય જેનાથી જન્મ-મરણનો અંત આવે એ વાત તદ્દન જુદી છે. ભગવાનની દિવ્ય ધ્વનીનો સાર જે શુદ્ધાત્મા તે જ અભિપ્રાય માં લેવાની અહીં વાત છે. આત્મજ્ઞાનની વાત છે.
૨૧