Page Text
________________
જજ શ્રી મહાવીર દર્શન #ffffffff બાળકનું નામ વર્ધમાન પાડવામાં આવ્યું હતું. તેમનો જન્મોત્સવ ખૂબ ઉલ્લાસપૂર્વક ઊજવવામાં આવ્યો હતો અને ઈન્દ્રો અને દેવો પણ એ જન્મઅભિષેક વિધિપૂર્વક કરે છે. બાળક વર્ધમાન જન્મથી જ સ્વસ્થ, સુંદર અને આકર્ષક વ્યક્તિત્વ ધરાવતા હતા. તેમની કંચનવર્ણ કાયાને લીધે તેમના રૂપ-સૌન્દર્યનું પાન કરવા ઈન્દ્ર હજાર નેત્રો ધારણ કર્યા હતા. તેઓ જન્મથી જ આત્મજ્ઞાની, વિચારશીલ વિવેકી અને નીડર બાળક હતા. વધુમાં તીર્થકર જન્મથી જ ત્રણ જ્ઞાનના ધણી હોય છે મતિ, કૃત અને અવધિજ્ઞાન. જન્મથી જ સાહસીક હોવાથી તે વીર, અતિવીર, મહાવીર તરીકે પ્રખ્યાત છે, તેમજ સન્મતિ અને વર્ધમાન નામથી પણ ઓળખાય છે. તેમના બાળ જીવન દરમ્યાન તેમની વીરતાના વર્ણન કરતાં ઘણાં પ્રસંગો પુરાણમાં છે. તેઓ ખૂબ જ પ્રતિભાશાળી રાજકુમાર હતા. તેઓ શાંત પ્રકૃતિના તો હતા જ, યુવાઅવસ્થામાં પ્રવેશતાં જ તેમની ગંભીરતા વિશેષ વધી ગઈ. તેઓ અત્યંત એકાંતપ્રિય હતા અને હંમેશાં ચિંતનમાં મશગૂલ રહેતા, ગંભીર તત્વોની ચર્ચાઓ કરતા, અટપટી અને ગૂઢ શંકાઓનું તત્કાળ સમાધાન કરી દેતા. તેઓ પોતે જ સમાધાનરૂપ હતા. તેઓ ખૂબ ધીર, વીર ક્ષત્રિય યુવક હતા અને બહુ જ પ્રખર રાજા બની શક્યા હોત, પરંતુ એ બધું તેમને ગમતું ન હતું. તેઓ તો શાશ્વત અતીન્દ્રિય સુખની શોધમાં હતા અને એ સુખ અંતરમાંથી જ પ્રાપ્ત થાય એ બાબત નિઃશંક હોવાથી તેમની વૃતિઓ અંતરોન્મુખી બની ગઈ.
પોતાના જ્ઞાનનો પૂર્ણ વિકાસ સાધવા માંગતા હોવાથી પોતાના અંતરમાં રહેલી રાગ-દ્વેષરૂપી ભાવહિંસાનો પૂર્ણપણે નાશ કરવા ઈચ્છતા હોવાથી સંસારના કોઈપણ જાતને પ્રલોભનમાં તેઓ આવ્યા નહીં. સંસારના સર્વ બંધનોથી મુક્ત થવાનો નિર્ણય જે કરી ચૂક્યા હતા એટલે કોઈ મોહમાં તેઓ બંધાયો નહીં. તેઓ બાળબ્રહ્મચારી જ રહ્યા અને આ રીતે જન્મના પ્રથમ ત્રીસ વર્ષ એમ જ પસાર થઈ ગયા. (૩) હવે એમના જીવનનો સાધનાનો ત્રીજો તબકકોઃ
જ્યારે મહાવીરને જાતિસ્મરણ જ્ઞાન થયું ત્યારે એ સંસારથી પૂર્ણ વિરક્ત થઈ ગયા અને આ ઘરસંસાર છોડી મુનિ થઈ આત્મ આરાધનાનો ઢ નિશ્ચય કરી લીધો. જ્યારે લોકાન્તિક દેવોને આ નિર્ણયની ખબર પડી ત્યારે અહીં આવી એમણે આ કાર્યની પ્રશંસા કરી, એમની વંદના અને ભક્તિ કરી અને એમને દીક્ષા (૫) કલ્યાણકની મહાન ઉત્સવની વ્યવસ્થા ઈન્દ્ર જ કરી. એ દિવસ માગસર વદ દશમ નક્કી થયો. પ્રભુની પાલખી કોણ ઉપાડે એ બાબત દેવો અને માનવો વચ્ચે મતભેદ થયો. આમાં માનવોનો વિજય થયો. પ્રથમ તેમની પાલખી માનવોએ ઉપાડી, પછી દેવોએ. આ રીતે ત્રીસ વર્ષની ભર યુવાનીમાં નગ્ન દિગમ્બર મુનિદિક્ષા સ્વયે ગ્રહણ કરી. દિગમ્બર કોઈ વેશ નથી, સંપ્રદાય નથી એ તો વસ્તુ સ્વરૂપ છે અને મહાવીર મુનીરાજ વર્ધમાન નગર છોડી વન તરફ પ્રયાણ કરી ગયા. મુનિના જે ૨૮ મૂળગુણ એ પ્રથમ ગ્રહણ કર્યા. આ આ પ્રમાણે હોય છે.
| SR No. | 006039 |
| Book Title | Mahavir Darshan |
| Original Sutra Author | N/A |
| Author | Ramniklal Savla |
| Publisher | Anandji Kalyanji Pedhi |
| Publication Year | |
| Total Pages | 202 |
| Language | Gujarati |
| Classification | Book_Gujarati |
| File Size | 16 MB |