Page Text
________________
કિરીને શ્રી મહાવીર દર્શન કરી
(૨૪) ત્યાર બાદ કનકધ્વજ રાજા તરીકે મનુષ્ય ભવ પસાર થયો. (૨૫) વળી ત્યાંથી લાન્તવ નામના આઠમા સ્વર્ગનો દેવ દેવાનંદ (૨૬) ત્યાર બાદ હરિષણ નામના રાજા તરીકે મનુષ્ય ભવ પસાર થયો. (૨૭) વળી ત્યાંથી દસમા સ્વર્ગના દેવ થયા. (પ્રતિવર્ધન વિમાનના દેવ)
(૨૮) ત્યાંથી આવીને એક અગત્યનો ભવ થયો. ઘાતકીખંડમાં પૂર્વ વિદેહ ક્ષેત્રમાં પુંડરિક નગરીમાં મહાપ્રતાપી પ્રિય મિત્ર નામનો ચક્રવત થયો. ત્યાં છ ખંડ જીતીને ચક્રવર્તી પદ પ્રાપ્ત કર્યું. નવનિધિ અને ચૌદ રત્ન પ્રાપ્ત જ હોય છે. અતુલ ભોગ સંપદા વચ્ચે પણ એ સમ્યગ્દષ્ટિ બધાથી ભિન્ન જ રહેતા હતા. ત્યાં સમ્યગ્દર્શન જ્ઞાન-ચારિત્રની એકતા એ મુક્તિનો માર્ગ છે એવો ફરીથી બોધ પ્રાપ્ત થતાં અને મોહ-રાગ-દ્વેષ એ દુઃખના કારણ છે એ જાણીને વૈરાગ્ય ઉત્પન્ન થયું. બધું જ ત્યાગીને મુનિ-દિક્ષા લીધી અને નગ્ન દિગંબર મુનિ તરીકે જીવન પસાર ક્યું સમાધિપૂર્વક દેહ છોડ્યો. (૨૯) ત્યાંથી સહસ્ત્રાર નામના બારમા સ્વર્ગમાં સૂર્યપ્રભ નામનો ઋદ્ધિધારી દેવ થયો.
(૩૦) હજી એક મનુષ્યભવમાં જંબુદ્વિપના ભરતક્ષેત્રમાં છત્રપુર નગરમાં રાજા નંદિવર્ધનને ત્યાં નંદ નામનો પુત્ર થયો અને ત્યાં પણ સંસારમાં લેપાયા વિના ફરી પાછો વૈરાગ્ય પામીને મુનિદિક્ષા ધારણ કરી. ત્યાં નિરંતર આત્મધ્યાન અને તત્વ અભ્યાસમાં જ મગ્ન રહી મુનિરાજ નંદ અગીયાર અંગનો પારગામી વિદ્વાન થયો. જગતના ઉદ્ધારક કરવામાં સર્વોત્કૃષ્ઠ નિમિતભૂત તીર્થંકર પ્રકૃતિ નામના મહાપુષ્પનો બંધ આ ભવમાં થયો. અંતમાં સમાધિદશામાં મરણ પામીને આ દેહ છોડયો. (૩૧) ત્યાંથી આવીને સોળમાં સ્વર્ગમાં દેવ તરીકે જન્મયા.
આ પ્રમાણે ભગવાન મહાવીરના આત્માએ પૂર્વભવોમાં કંઈક ઉતાર ચડાવ જોયા અને છેવટે હવે એમનો છેલ્લો ભવના અંતનો ભવ આવી પહોંચ્યો.
આજથી લગભગ ૨૬૦૦ વર્ષ પૂર્વે એમના છેલ્લા ૩રમાં ભવની શરૂઆત થઈ એ જીવનગાથા હવે જોઈશું.
(૩૨) મહાવીરનો ભવ (૨) વર્તમાન છેલ્લો ભવઃ મહાવીરનો આત્મા સોળમા સ્વર્ગથી આવીને આષાઢ સુદ છઠના દિવસે લગભગ ૨૬૦૦ વર્ષ પૂર્વે ત્રિશલા માતાના ગર્ભમાં આવ્યો, ત્યારે તેમની માતાએ ૧૬
સ્વપ્ન જોયા અને એના પરથી એ જાણવામાં આવ્યું કે ધર્મતીર્થના પ્રવર્તક ભાવી તીર્થંકરનો આત્મા રાણીના ગર્ભમાં આવ્યો છે અને નવ મહિનાની પ્રતિક્ષા બાદ મહાવીરનો જન્મ વૈશાલી ગણતંત્રના પ્રસિધ્ધ રાજા સિધ્ધાર્થની રાણી ત્રિશલાની કૂખે કુંડ ગ્રામમાં ચૈત્ર સુદ તેરસના થયો હતો અને આ
| SR No. | 006039 |
| Book Title | Mahavir Darshan |
| Original Sutra Author | N/A |
| Author | Ramniklal Savla |
| Publisher | Anandji Kalyanji Pedhi |
| Publication Year | |
| Total Pages | 202 |
| Language | Gujarati |
| Classification | Book_Gujarati |
| File Size | 16 MB |