Page Text
________________
શ્રી મહાવીર દર્શન
(૧) મહાવીર ભગવાનના પૂર્વ બત્રીસ ભવ
પૂર્વના મુખ્ય ભવ આ પ્રમાણે વિચારવા જેવા છે. બહિર આત્માથી અંતરાત્મા અને તેમાંથી પરમાત્મા બનવાની પ્રક્રિયા અનેક ભવોમાં સંપન્ન થાય છે, એક ભવમાં નહી. આ દૃષ્ટિકોણ લક્ષમાં લેતા એ ભવોથી સંપૂર્ણ સમ્યક પ્રક્રિયા સમજવામાં આવી જાય છે. આ ભવો આ પ્રમાણે છે.
(૧) પ્રથમ જંબુદ્દિપના પૂર્વ વિદેહ ક્ષેત્રમાં પુરૂરવા નામનો ભીલનો ભવ. તેમાં નગ્નદિગમ્બર મુનિરાજની હત્યાના મહાદોષથી બચી અને મુનિનું ધર્મશ્રવણ કરી મદિરા-માંસાદિનો ત્યાગ કરી જીવનપર્યંત આદરસહિત વ્રતો પાળી જીવન પસાર કર્યું.
(૨) ત્યાંથી સૌધર્મ નામના પ્રથમ સ્વર્ગમાં દેવનો ભવ પસાર કર્યો.
(૩) ત્યાંથી આવીને પ્રથમ તીર્થંકર ઋષભદેવના મોટા પુત્ર ભરત ચક્રવર્તીના મારીચિ નામના પુત્ર તરીકે જન્મયા. ત્યાં ઋષભદેવની સાથે બીજા રાજાઓની સાથે મુનિદીક્ષા ગ્રહણ કરી પરંતુ મુનિમાર્ગથી અપરિચિત હોવાથી એ જીવન ભ્રષ્ટ થઈ ગયું. આત્મજ્ઞાન વગરની મુનિદશાનું આ પરિણામ! મિથ્યાત્ત્વ નામના મહા પાપનું સેવન, પ્રચાર અને પ્રસાર કરી પોતાનું ભવભ્રમણ વધાર્યું. શુભભાવપૂર્વક જીવન પૂર્ણ થયું.
(૪) તે પછી બ્રહ્મ નામના પાંચમાં સ્વર્ગમાં દેવ થયા.
(૫) ત્યાંથી આવીને સાકેત નગરમાં કપિલ નામના બ્રાહ્મણને ત્યાં પ્રિય મિત્ર નામે પુત્ર તરીકે જન્મયા સંસ્કારવશ પારિવ્રાજક સાધુ થાય. પણ ભવભ્રમણ ચાલુ રહ્યું.
(૬) ત્યાંથી પાછા પ્રથમ સ્વર્ગમાં દેવ થયા.
(૭) ત્યાંથી આવીને ભારદ્વાજ બ્રાહ્મણને ત્યાં પુષ્પમિત્ર નામના પુત્ર તરીકે જન્મ પામ્યા ત્યાં પણ મિથ્યાત્ત્વની સ્થિતિ ચાલુ રહી.
(૮) ત્યાંથી પાછા પ્રથમ સ્વર્ગમાં દેવ થયા.
(૯) ત્યારબાદ અગ્નિસર બ્રાહ્મણ તરીકે મનુષ્યભવ પસાર કર્યો.
(૧૦) વળી પાછા સનતકુમાર નામના ત્રીજા સ્વર્ગના દેવ થયા.
(૧૧) ત્યાર બાદ અગ્નિ મિત્ર નામના બ્રાહ્મણ થયા. (૧૨) વળી પાછા મહેન્દ્ર નામના ચોથા સ્વર્ગના દેવ થયા.
(૧૩) હજી એક ભવ ભાર દ્વાજ નામના બ્રાહ્મણ તરીકે પસાર કર્યો. (૧૪) વળી પાછા મહેન્દ્ર નામના ચોથા સ્વર્ગના દેવ થયા.
| SR No. | 006039 |
| Book Title | Mahavir Darshan |
| Original Sutra Author | N/A |
| Author | Ramniklal Savla |
| Publisher | Anandji Kalyanji Pedhi |
| Publication Year | |
| Total Pages | 202 |
| Language | Gujarati |
| Classification | Book_Gujarati |
| File Size | 16 MB |