________________
૧૮૦.
ડૉન કિવકસોટ! પેલાએ તરત કબૂલ કર્યું કે, “Áયુદ્ધની શરતો પ્રમાણે હું એ કરવા બંધાયેલો છું.” | ડૉન કિવકસોટે તેને એ પણ પૂછ્યું કે, “તું હવે કબૂલ કરે છે કે, તે જેમને હરાવ્યા હતા એમ તું કહે છે તે ડૉન કિવસોટ દ લા-માંશા નહિ, પણ તેવા દેખાવનો બીજો કોઈ હતો, તથા તેણે જાણી જોઈને મારી બદગોઈ કરવા મારું નામ આપ્યું હતું?”
- પેલાએ તરત કબૂલ કર્યું કે, “એ વ્યક્તિ ડૉન કિવકસોટ દ લા-માંશા હોઈ શકે જ નહિ.”
ડૉન કિવસોટે પણ ઉદારતાથી સામું કબૂલ કર્યું કે, “હું પણ સ્વીકારું છું કે, તારો દેખાવ પંડિત ઑપ્સન કેરેસ્કો જેવો જ હોવા છતાં, હું કદી એમ નહિ કહું કે, મેં પંડિત ઑપ્સન કૅરેસ્કોને હરાવ્યા છે, કારણ કે મારા દુશમન જાદુગરોએ માયાજાળથી જ મારા દુશ્મનને મારા શુભેચ્છક મિત્રનું સ્વરૂપ આપી દીધું છે.”
પેલાએ એ બાબત ડૉન કિવકસોટનો વિશેષ આભાર માન્યો.
સાન્કોએ પણ, પેલો સ્કવાયર થૉમસ સેસિલ જેવો જ દેખાતો હોવા છતાં, તેને જાદુગરોની માયાજાળ જ માની લેવાનું કબૂલ રાખ્યું.
પેલો અરીસા-નાઇટ અને તેનો સ્કવાયર હવે નજીકના ગામમાં પાટા-પ્લાસ્ટર કરાવવા વિદાય થયા, અને ડૉન કિવક્સોટ તથા સાન્કોપાન્ઝા સરગોસાને માર્ગે આગળ ચાલ્યા.
