________________
પર
મહાપ્રભુ વલ્લભાચાર્યજી
૧. અણુભાષ્ય
વ્યાસરચિત બ્રહ્મસૂત્રના ચાર અધ્યાયમાંથી ત્રીજા અધ્યાયના બીજા પાર્કના ચોત્રીસમા સૂત્ર સુધી શ્રીવલ્લભાચાર્ય વિરચિત ભાષ્ય મળે છે, ત્યાર પછીના બ્રહ્મસૂત્રનું ભાષ્ય શ્રીમહાપ્રભુજીના બીજા પુત્ર શ્રી વિઠ્ઠલનાથજીએ પૂર્ણ કરેલું છે. ભાષ્યમાં શ્રીવલ્લભાચાર્યજીએ સૂત્રોનું વિવરણ કરતાં વેદનાં વચનો દ્વારા અન્ય મતોનું નિરાકરણ કરી સ્વસિદ્ધાંતનું સ્થાપન કર્યું છે.
૨. સ્વપ્રકાશ તત્ત્વાર્થદીપ નિબંધ
તત્ત્વાર્થદીપ નિબંધ (૧) શાસ્ત્રાર્થપ્રકરણ (૨) સર્વ નિર્ણય પ્રકરણ (૩) ભાગવતાર્થપ્રકરણના ત્રણ ભાગમાં આ ગ્રંથ છે. પ્રકાશ નામની વ્યાખ્યા પણ આ ગ્રંથ ઉપર શ્રીવલ્લભાચાર્યે લખી છે. ‘શાસ્ત્રાર્થપ્રકરણ'માં ભગવદ્ગીતાના સિદ્ધાંતોનું નિરૂપણ દાર્શનિક વિષયોનું વિશ્લેષણ છે.
‘સર્વ નિર્ણય પ્રકરણ'ના પ્રમાણ, પ્રમેય, સાધન અને ફલ એવાં ચાર પ્રકરણમાં અનુક્રમે વેદસંમત ભક્તિમાર્ગ-સર્વોપરી ભગવદ્ગલ સર્વ સાધનોમાં ભક્તિની વિશેષતા અને ફલરૂપે ભક્તિની શ્રેષ્ઠતાનું પ્રતિપાદન કરેલ છે. ભાગવતાર્થપ્રકરણમાં શ્રીમદ્ ભાગવત શાસ્ત્રનાં શાસ્ત્રાર્થ, સ્કન્ધાર્થ, અધ્યાયાર્થે અને પ્રકરણાર્થ આમ ચાર અર્થોનું પરસ્પર અવિરોધથી અર્થઘટન આપ્યું છે. ૩. સુબોધિની
શ્રીમદ્ ભાગવતની ગૂઢાર્થ પ્રકાશક શ્રી સુબોધિની આદરણીય ટીકા ગ્રંથ છે. સુબોધિનીમાં ભાગવતના વાક્યાર્થ, પદના અર્થ,