________________
ગુરુ નાનકદેવ જી. માએ હઠ લીધી, “નાનંકા, હું કાંઈ જાણતી-સમજતી નથી પણ બધા પહેરે છે તેમ તારે જનોઈ પહેરવી પડશે.' નાનકે આ વાત માની લીધી ! માતાને ખુશ કરવા જ બાહ્યાચાર સ્વીકારી લીધો.
પિતાજીએ એમને ખેતર સાચવવા મોકલ્યા. સરસ પાક હતો. પક્ષીઓ ચણવા આવતાં હતાં. નાનકે પક્ષીઓને ઉડાડવાને બદલે ‘‘રામકી ચિડિયાં રામકા ખેત, ખાલો ચિડિયાં ભરભર પેટ'' કહી તેમને નોતર્યો. પિતાજીને ખબર પડતાં તેમણે કપાળ કૂવ્યું. આવો છોકરો શા કામનો ?
એક દિવસની વાત. તેઓ ખેતરમાં સૂતા હતા અને તેમના મસ્તક પર એક નાગરાજ ફણા કરી છત્ર ધરી રહ્યા હતા. અચાનક આ જ સમયે રાયબુલાર ત્યાંથી પસાર થયા. તેમણે આ દશ્ય જોયું. આ પછી તેઓ નાનકને “મહાન અવતાર માનવા લાગ્યા.
નાનકને પિતાજી જુદાં જુદાં કામ સોપે, પણ તેમાં પિતાની નજરે કોઈ ભલીવાર આવતો ન હતો. પિતાજીને ખૂબ ચિંતા રહ્યા કરતી. એક દિવસ તેઓ નાનકને કહે, ‘‘બેટા ખેતરબેતરનું કામ ન કરવું હોય તો વાંધો નહીં, તું કાંઈ વેપારધંધો કર.'' નાનક કહે, ‘‘પિતાજી, હું વેપારધંધો તો કરું જ છું. મારા ગ્રાહકોને સત્ય તેમ જ ઇંદ્રિયસંયમનો માલ આપું છું. મને તેમાં સારો ફાયદો થાય છે.''
પુત્રનો જવાબ સાંભળી પિતાને થયું, ‘‘આ છોકરો સાધુ તો નહીં થઈ જાય ને ?'' તેમણે તેને સંસારી બનાવવા નિર્ણય કરી લીધો અને એ પ્રમાણેના પ્રયત્નો કરવા માંડ્યા.
એક દિવસ કાલુરામજીએ નાનકને વીસ રૂપિયા આપી કહ્યું,
