________________
મકાની પહેલી યાત્રા
૮૫ હથિયાર બાંધીને ન આવે” (શિબલી). લડાઈનાં ખાસ હથિયારો તીરકામઠાં કે ભાલા વગેરે એક પણ હથિયાર કોઈ પાસે નહોતું. વળી મક્કાવાસીઓને પૂરેપૂરો વિશ્વાસ પડે એટલા માટે સૌએ હજનાં (લીલાં) કપડાં (એહરામ) પહેર્યા. એ કપડાં પહેરીને માણસ કીડીનેય મારી શકે નહીં કે ઝાડનું પાંદડું તોડી શકે નહીં. રસ્તામાંથી માણસ મોકલીને મહંમદસાહેબે કુરેશીઓ પાસે હજ કરવાની રજા માગી. કરેશીઓએ ના પાડી. અને એક હથિયારબંધ ફોજ નિ:શસ્ત્ર મુસલમાનોનો રસ્તો રોકવા ખડી કરી. મહંમદસાહેબ સૌને લઈને આગળ વધ્યા. ૮૦ કુરેશીઓની એક ટુકડીએ તેમના પર હુમલો કર્યો, અને ખુદ મહંમદસાહેબ પર તીર ફેંક્યાં. મુસલમાનો તરફથી એનો કાંઈ જવાબ વાળવામાં ન આવ્યો. તેમની સંખ્યા વધારે હતી. તેમણે તે ૮૦ કુરેશીઓને જીવતા પકડીને મહંમદસાહેબ આગળ રજૂ કર્યા. મહંમદસાહેબે તે બધાને ક્ષમા આપી અને મુસલમાનો પર તેઓ ફરી હથિયાર નહીં ઉઠાવે એવું તેમની પાસેથી વચન લઈને તેમને છોડી દીધા. આ પ્રસંગે મહંમદસાહેબ અને તેમના સાથીઓનું વર્તન સાચા ‘સત્યાગ્રહીઓના જેવું હતું. ૧૪૦૦ માણસો કોઈ પણ જાતના હથિયાર વગર અને બીજા કોઈ પર હાથ ઉઠવ્યા સિવાય પોતાના હકને માટે ખડા હતા. કુરેશીઓ પર તેમની ઊંડી અસર થઈ.
