________________
ખોડીયાર હમણાં ને હમણાં જાઓ અને શેઠને તથા તેમના ગુરુજીને એ મારાવતી નમ્ર વિનંતી કરો કે ગોંડલ પધારે. કાંઈ પણ ટેક્ષ તો લેવાશે નહીં પરંતુ સંઘ જ્યાં સુધી ગોંડલ રાજ્યની ધરતી ઉપર રહે ત્યાં સુધી તમામ ખર્ચ રાજય ભોગવશે. આમ છતાંય જો એઓ આપણી વિનંતી ન સ્વીકારે તો તમો મારી પાઘડી વતી તમારી ટોપી એમના પગે મૂકી વિનંતી કરજો. જાઓ, હમણાં ને હમણાં મોટર લઈને જાઓ. બાપુનો હુકમ થતાં જ ગોંડલનું સમગ્ર મહાજન મહમદ શેઠ વિગેરે ચાર-પાંચ મોટરોના કાફલા સાથે ખોડીયાર ગામે બપોરના બે વાગે પહોંચી ગયા. ગોંડલ મહાજન વિગેરે ઘણા બધા લોકો આવ્યા છે એ સમાચાર જાણી પૂ.સાગરજી મહારાજ, પૂ. મોહનસૂરિ મહારાજ, જ્ઞાન-દર્શન-ન્યાય ત્રિપુટી. આ બધાય પૂ. શાસનસમ્રાટશ્રીના તંબુએ આવી પહોંચ્યા. ગોંડલ મહાજન શ્રી સંઘવીજીના તંબુ કચેરીએ ગયું. સંઘવીશ્રીને બાપુના સંદેશાની વિનયપૂર્વક જાણ કરી. અને પોતે પણ એટલા જ આગ્રહપૂર્વક વિનંતી કરી કે રાજ્ય કોઈપણ જાતનો ટેક્ષ તો નહીં જ લે પરંતુ તમામ પ્રકારની સગવડો રાજ્ય પૂરી પાડશે. કૃપા કરી પધારો, ગોંડલની ધરતી પાવન કરો. સંઘવજી - ભાઈઓ હવે હું ૧૮ કિલોમીટર આ બાજુ આવી ગયો છું. તમે જાણો છો જ કે સંઘમાં સાધુ-મહારાજાઓ સાધ્વીજી મહારાજાઓ અને સંઘના લગભગ ૧૨,૦૦૦(બારહજાર) ભાઈ-બહેનો પગપાળા જ પ્રવાસ કરે છે. હવે એ બનવું શક્ય નથી.
. ગોંડલ મહાજન - મહમદ શેઠ ફરી એની એ જ વિનંતી જારી રાખતાં બોલ્યા કેશેઠ સાહેબ કોઈપણ ઉપાયે આપને ગોંડલ પધારવું જ પડશે. આપ કહો તો ઠેઠ ગોંડલ સુધી અત્રેથી લાલ રેશમી જાજમો પથરાવી દઈએ અને મહમદ શેઠે પોતાની ટોપી ઉતારી શેઠના પગ આગળ મૂકતા મહમદ શેઠ બોલ્યા કે સંઘવજી આ મારી ટોપી નથી પરંતુ ગોંડલના
