________________
વર્તમાનકાળના મહાનઅનુભવોનામહાસગર ૫. શાસનસમ્રાટીની ઇગિયાકાર સંપન્નતા
♦ પ્રસંગ પાંચમો
સમય : વિક્રમ સંવત ૧૯૮૦ લગભગ ભાદરવો માસ સ્થળ : વિજયનેમિસૂરિજી જ્ઞાનશાળા પાંજરાપોળ અમદાવાદ પૂ.શાસનસમ્રાટ્ શ્રી સાંજના સમયે જ્ઞાનશાળાના ત્રીજામાળે પશ્ચિમદિશા તરફના વરંડામાં બેસતા અને સંથારો પણ ત્યાંજ કરતા. ત્યાં દક્ષિણ—પશ્ચિમ બન્નેની દિશામાંથી પવન આવતો અને ઠંડક રહેતી. પૂ.શ્રીની પાસે પંદર વીશ શ્રાવકો તો બેઠા જ હોય.
સાંજના ૭–૩૦ પછી નો સમય હતો પૂ.ઉદયસૂરિ. મહારાજશ્રી વિગેરે થોડા સાધુઓ નીચેના હોલમાં બેસતા. થોડા બીજા માળે રહેતા. પ્રતિક્રમણનો સમય થઈ ગયો હતો. એવામાં પૂ.સુભદ્રવિજયજી મ.શ્રીએ પૂ.ઉદયસૂરીશ્વરજી મ.શ્રી આગળ ફરિયાદ કરી કે સાહેબજી ! મને છાતીમાં સખત દુઃખે છે. મોટા હોવા છતાં સેવાનો મંત્ર તેમના જીવનમાં વણાઈ ગયેલ તે પૂ.ઉદયસૂ. મ.શ્રીએ સુભદ્રવિજયજી મ.ની નાડી તપાસી. નાડી સર્પાકારે વક્રગતિએ ચાલતી હતી. એઓ પણ અનુભવોના મહાન ભંડાર હતા. બાપ એવા બેટા એ ઉક્તિ અહીં યથાર્થ હતી. બાહ્ય યોગ્ય ઉપચારો, ટર્પિન્ટાઇન તેલનું માલીસ, કોથળીનો શેક વગેરે કર્યા.
પૂ.ઉદયસૂરિમહારાજશ્રીને વ્યાધિમાં શંકા લાગતાં સારાભાઈ જેસિંગભાઈ જે પૂ.શ્રી પાસે બેઠા હતા તેમને ત્રીજે માળ જઈ પૂ.મોટા મહારાજશ્રીને સમાચાર આપવાનું જણાવ્યું. સારાભાઈએ ઉપર જઈ
૩