________________
રિપૂ.શ્રી આગળ સમાચાર જણાવ્યા. તે વખતે પૂ.શ્રીની પાસે પ્રતાપસિંહ છે
મોહનલાલ, ચીમનલાલ, લાલભાઈ, જગાભાઈ, ભોગીલાલ ભગુભાઈ સુતરિયા, મોહનભાઈ ગોકળદાસ, વિદ્યાશાખાના ટ્રસ્ટી ચીમનભાઈ ગોકળદાસ, (સુભદ્રવિજયના સંસારી પુત્રો) વિગેરે બેઠા હતા.
પૂ.શ્રી એ ટર્પિન્ટાઈન તેલ ચોળવા ગરમપાણીનો શેક વિગેરે ઉપચારો કરવા સૂચવ્યું. સારાભાઈ એ નીચે આવી સમાચાર જણાવ્યા. સુભદ્ર વિ. મ.ના પુત્ર પણ નીચે આવી ગયા. ઉપચારો શરૂ તો કર્યા પણ કોઈ રાહત ન જણાઈ. દુઃખાવાએ ઉગ્ર સ્વરૂપ ધારણ કર્યું. વળી પાછા સારાભાઈને પૂ.ઉદયસૂરિ મહારાજે મોકલ્યા અને કહેવરાવ્યું કે મોટા મહારાજશ્રીને જણાવો કે સુભદ્રવિજયજીની તબિયત બરાબર નથી. આપ નીચે પધારો. - સારાભાઈ એ સમાચાર મોટામહારાજશ્રીને જણાવતાં એઓશ્રી તુરત નીચે આવ્યા અને બોલ્યા કે મારે સુભદ્રવિજયજીનું મોઢું જોવું છે. પ્રકાશનો ઉપયોગ થાય તો સારું. એમ કહેતાંની સાથે જ પુંજીરાવ નામનો માણસ ફાનસ લઈને આવ્યો. ફાનસ સુભદ્ર વિ.મહારાજશ્રી પાસે ધર્યું. મોટા મહારાજે કહ્યું સુભદ્રવિજયજી કેમ છે? સાહેબજી ! ઠીક છેસુભદ્રવિજયજી મહારાજે જવાબ આપતાં પોતાનું માથું મહારાજશ્રી સન્મુખ ઊંચું કર્યું.
પૂ.મોટામહારાજ શ્રીસુભદ્રવિજયજીનો ચહેરો જોઈ બોલી ઉઠયા કે એમનાભાઈ ડો. ત્રિકમલાલને શેઠ તથા બીજા જે કોઈ છે તેઓને જલ્દી બોલાવવા વ્યવસ્થા થવી ઉચિત છે. કેસ ખરાબ છે. તુરત જ સારાભાઈ અને વાડીલાલ બાપુલાલે બહાર જઈ ટેલીફોનથી શેઠને તથા ડો. ત્રિકમલાલ વગેરેને સમાચારો જણાવ્યા. એઓ પણ મારતી મોટરે આવી ગયા. ડો. ત્રિકમલાલ કે જેઓ ન્યુયોર્કના એમ.ડી. અને હોમિયોપેથીના મહાન અનુભવી ડો. હતા તેઓએ “બ્રેથેસ્કોપથી છાતી
૩૭
