________________
અને સચોટ નાડી પરીક્ષક. એઓએ પૂ.ગુણવિજયજી મહારાજ શ્રીની નાડી તપાસી અભિપ્રાય કહ્યો કે-સાહેબજી ! ગુણવિજયજીને ત્રિદોષ લાગે છે. પૂ.શ્રીએ અમદાવાદ નારણજીને મોકલી માકુભાઈ શેઠને સમાચાર મોકલાવ્યા. શેઠ પણ પોતાના ફેમિલી ડો. છાયાને લઈ તુરત મારતી મોટરે ડાંગરવા આવી ગયા. ડૉકટર પૂ.ગુણવિજયજીને બરાબર તપાસ્યા અને જણાવ્યું કે આ મહારાજશ્રીના પેટમાં મળનો સખત ભરાવો છે. એનીમા પ્રયોગથી તે દૂર કરવો પડશે.
પૂ.શ્રીએ આ વાતનો સખત વિરોધ કર્યો અને અભિપ્રાય વ્યક્ત કર્યો કે જો એનીમાના પ્રયોગે કાચોમળ કાઢવામાં આવશે તો કેસ જરૂર બગડી જશે અને સન્નિપાત ઉપડશે અને ત્રણ દિવસમાં જ મારા આ સાધુને હું ખોઈ બેસીશ. પૂ.શ્રીના આ વિધાનને કોઈએ ગણકાર્યું જ નહીં. ડો. અને ગામના બધાય શ્રાવકો આગળ એમનું કાંઈપણ ચાલ્યું જ નહીં. છેવટે ડો. છાયાએ પૂ.ગુણવિજયજી મહારાજશ્રીને એનીમા આપ્યો, મળ કાઢવામાં આવ્યો. ડો. વિગેરે તો જતા રહ્યા અને પૂ.શ્રીના ભવિષ્ય કથનાનુસાર રાત્રે ગુણવિજયજી મ.ને સન્નિપાત શરૂ થઈ ગયો. બે દિવસ વેદના ભોગવી અને ત્રીજા જ દિવસે સવારે ચાર વાગે તેઓ શ્રી નમસ્કારમંત્રના નાદોને શ્રવણ કરતાં સમાધિભાવે કાળધર્મ પામી
ગયા.
પૂ.શ્રીનું ભાવિકથન સાચું પડ્યું. પણ હવે ઘણું જ મોડું થઈ ગયું હતું એ ગામ લોકોને સમજાણું. જબ ચિડીયા ચુન ગઈ ખેત ફિર પછતાયે કયા હુએ ?
આ હતી પૂ.શાસનસમ્રાટ શ્રીની અનુભવસિદ્ધતા
૩૫
૩૫