________________
શ્રાવકસંઘ
૧૫૭
લઈએ તે તે શ્રામણેર દીક્ષાને વખતે સાત વર્ષને હોય એ સંભવતું નથી. કારણ કે ગૃહત્યાગ પછી બોધિસરવે સાત વર્ષ સુધી તપશ્ચર્યા કરી અને તત્વબોધ થયા પછી પહેલો ચાતુર્માસ વારાણસીમાં ગાળ્યો; અને ત્યાર પછી સંઘ સ્થાપન થતાં એક વર્ષ તે ગયું હોવું જોઈએ. આથી શ્રામણેરદીક્ષા વખતે રાહુલકુમાર સાત વર્ષના હોય એ સંભવતું નથી.
રાહુલને કેવી રીતે થામણેર બનાવવામાં આવ્યો તેનું અનુમાન સુત્તનિપાતના રાહુલસુત્ત ઉપરથી કરી શકાય છે. તેથી તે સુત્તનું ભાષાંતર અહીં આપું છું.
(ભગવાન–) (૧) સતત પરિચયથી તું પંડિતની અવજ્ઞા કરતા નથી ને? મનુષ્યોને જ્ઞાનપ્રદ્યોત બતાવનારની તું ગ્યસેવા કરે છે ને ?
(રાહુલ–) (૨) હું સતત પરિચયને લીધે પંડિતની અવતા કરતો નથી. મનુષ્યને જ્ઞાનપ્રદ્યોત બતાવનારની હું હંમેશા યોગ્ય સેવા કરું છું.
(આ પ્રાસ્તાવિક ગાથાઓ છે)
(ભગવાન– ) (૩) પ્રિય લાગતા મનોરમ (પચૅકિના) પાંચ કામો ભોગ છોડીને શ્રદ્ધાપૂર્વક ઘરમાંથી બહાર નીકળ અને દુઃખને અંત કરનાર થા.
(૪) કલ્યાણ મિત્રોની સોબત કર, જ્યાં બહુ ગરબડ નથી એવા એકાંત સ્થળે તું તારું વસતિસ્થાન રાખ અને મિતાહારી થા.
(૫) ચીવર (વસ્ત્ર), પિડપાત (અન્ન), ઔષધિપદાર્થ અને રહેવાની જગ્યા: આની તૃષ્ણા રાખીશ નહિ અને પુનર્જન્મ લઈશ નહિ.
(૬) વિનયના નિયમોમાં અને પંચૅક્રિયામાં સંયમ રાખ કાયગતા સ્મૃતિ રહેવા દે; અને વૈરાગ્યપૂર્ણ થા.
(૭) કામવિકારથી મિશ્રિત એવું વિષયોનું શુભનિમિત્ત મૂકી દે
